ព័ត៌មានជាតិ

ព័ត៌មានបឋម..ប្តីបាញ់ប្រពន្ធនៅស្រុកក្រឡាញ់ រួចបើកឡានគេចខ្លួន

បានផុស

៦ years មុន

នៅ

ថ្ងៃព្រហស្បតិ៍ ២២ តុលា ២០២០

ដោយ

សមត្ថកិច្ចមូលដ្ឋានបានឲ្យដឹងថា នៅវេលាម៉ោង ២.៥០នាទីថ្ងៃទី២២ តុលា ២០២០ មានករណីផ្ទុះអាវុធ នៅចំណុចមុខសាលាបឋមសិក្សាសាមគ្គី(ផ្លូវជាតិលេខ៦)ឃុំស្រណាល ស្រុកក្រឡាញ់ ខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនបង្កឈ្មោះ ចាន់ ផល ហៅពៅ ភេទប្រុស អាយុប្រហែល៥០ឆ្នាំ ទីលំនៅភូមិស្វាយធំ ខេត្តសៀមរាប ជិះរថយន្តពណ៌ខ្មៅមិនស្គាល់ម៉ាកស្លាកលេខ៨៧៨៧ អាវុធម៉ាកK៥៤លេខ៣៧៦៣។ក្នុងហេតុការណ៍បាញ់នោះ បណ្តាលឲ្យជនរងគ្រោះឈ្មោះ សំអុល សុខដានី ភេទស្រី អាយុ២៧ឆ្នាំ ទីលំនៅភូមិសាមគ្គី សង្កាត់ឫស្សីកែវ ភ្នំពេញ រងរបួសធ្ងន់ចំដើមទ្រូងខាងឆ្វេង១គ្រាប់(បៀមគ្រាប់)។ ក្រោយមានការផ្ទុះអាវុធជនបង្ក បានឡើងរថយន្តគេចខ្លួនបាត់ ចំណែកជនរងគ្រោះ ត្រូវបានសមត្ថកិច្ចដឹកបញ្ជូនមកសង្គ្រោះនៅមន្ទីរពេទ្យបង្អែកខេត្តសៀមរាប។

សមត្ថកិច្ចកំពុងដុតដៃដុតជើងស្រាវជ្រាវរកជនបង្ក ដើម្បីចាត់ការតាមផ្លូវច្បាប់។ ប្រភពបានឲ្យដឹងថា ក្នុងករណីនេះ ជនបង្កគឺជាប្តីមិនទាន់ការ ហើយអាចដោយសារទំនាស់ពាក្យសម្តី (ប្រច័ណ្ឌ)៕