ព័ត៌មានជាតិ
ផ្លូវក្នុងក្រុងបាត់ដំបង ចាប់ផ្តើមស្ថាបនាឡើងវិញ ក្រោយបញ្ចប់រៀបចំប្រព័ន្ធទឹកកខ្វក់ក្រោមដីរួចរាល់
ប្រជាពលរដ្ឋក្នុងក្រុងបាត់ដំបងបានបង្ហាញការត្រេកអរគ្រប់ៗគ្នា ក្រោយមន្ត្រីនៃមន្ទីរជំនាញពាក់ព័ន្ធបានចាប់ផ្តើមជួសជុលផ្លូវមួយចំនួនធំនៅក្នុងក្រុងបាត់ដំបងប៉ែកខាងលិចដងស្ទឹងសង្កែ ដែលបានបង្កលក្ខណះងាយស្រួលដល់ការធ្វើដំណើររបស់ប្រជាពលរដ្ឋ ក៏ដូចជាសាធារណះជនទូទៅ។
ផ្លូវលេខ ២.៥ ផ្លូវលេខ ១ ផ្លូវសួនព្រែកមហាទេព ផ្លូវជុំវិញផ្សារបឹងឈូក ផ្លូវឡាអេ ព្រមទាំងកំណាត់ផ្លូវក្នុងក្រុងមួយចំនួននៅត្រើយខាងលិចស្ទឹង កំពុងត្រូវបានជួសជុលនិងស្ថាបនាជាថ្មី បន្ទាប់ពីធ្វើការស្ថាបនាប្រព័ន្ធរំដោះទឹកកខ្វក់នៅក្រោមដីរួចរាល់ជាស្ថាពរ។
អ្នកស្រី គឹម សុគន្ធារី អនុប្រធានមន្ទីរសាធារណះការខេត្តបាត់ដំបងបានឲ្យដឹងថា ការចាប់ផ្តើមស្ថាបនា និងកែលម្អផ្លូវក្នុងក្រុង ស្របពេលដែលមួយរយៈពេលនេះមិនមានភ្លៀងធ្លាក់ ដែលអំណោយផលដល់ក្រុមការងារក្នុងការពន្លឿនការជួសជុល និងសាងសង់ឲ្យកាន់តែឆាប់រហ័ស ដើម្បីសម្រួលក្នុងការធ្វើដំណើររបស់ប្រជាពលរដ្ឋកាន់តែមានការប្រសើរនិងធំទូលាយជាងមុន។
ផ្លូវជាង ២០ គីឡូម៉ែត្រក្នុងក្រុងបាត់ដំបងបានរងការខូចខាតដោយសាររងការជីកកាយដាក់ប្រព័ន្ធលូដែលក្នុងនោះ ៦០ ភាគរយស្ថិតនៅត្រើយខាងលិចស្ទឹងសង្កែ ហើយនៅប្រហែល ៤០ ភាគរយទៀត ក្រសួងហិរញ្ញវត្ថុកំពុងសម្រួលឯកសារក្នុងការដេញថ្លៃ ដែលរួចរាល់ពេលណានឹងចុះអនុវត្តភ្លាមៗ។
បើតាមអ្នកស្រី គឹម សុគន្ធារី ផ្លូវនៅសល់ ៤០ ភាគរយទៀតស្មើ ១១ គីឡូម៉ែត្រទៀត ក៏ស្ថិតនៅក្នុងគម្រោងជួសជុលកែលម្អឡើងវិញដោយរក្សាភាពដើមរបស់ផ្លូវ។
លោក សុង សឺង ប្រធានការិយាល័យសាធារណះការក្រុងបាត់ដំបងបានបញ្ជាក់ថា នៅក្នុងក្រុងបាត់ដំបងមានសង្កាត់ចំនួន ៤ ស្ថិតក្នុងគម្រោងស្តារដាក់លូ និងកែលម្អសោភ័ណ្ឌភាពក្នុងនោះមានសង្កាត់ព្រែកព្រះស្តេច សង្កាត់រតន: សង្កាត់ស្វាយប៉ោ និងសង្កាត់ចំការសំរោង។
ក្រុងបាត់ដំបងមានផ្លូវសរុបប្រវែង ១៧៦ ខ្សែ ខណះផ្លូវមួយចំនួនធំបានកំពុងស្ដារជួសជុល និងមួយចំនួនទៀតស្ថិតក្នុងគម្រោងនៅឡើយ៕
អត្ថបទ÷សៅ សារិទ្ធ
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ១ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ១ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា