ព័ត៌មានជាតិ

ខេត្តស្វាយរៀងរកឃើញអ្នកជាប់ពាក់ព័ន្ធក្នុងព្រឹត្តិការណ៍សហគមន៍២០កុម្ភៈជាង១ពាន់នាក់និងមានអ្នកឆ្លងកូវីដ១៩ជាង១២០នាក់

បានផុស

៥ years មុន

នៅ

ថ្ងៃពុធ ៧ មេសា ២០២១

ដោយ

លោកវេជ្ជបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានមានប្រសាសន៍នៅល្ងាចថ្ងៃទី០៧មេសានេះថា គិតត្រឹមថ្ងៃទី០៧ ខែមេសា ឆ្នាំ២០២១នេះ ខេត្តស្វាយរៀងមានអ្នកជាប់ពាក់ព័ន្ធផ្ទាល់និងប្រយោលក្នុងព្រឹត្តិការណ៍សហគមន៍២០កុម្ភៈប្រមាណជាង១ពាន់នាក់ក្នុងនោះរកឃើញអ្នកឆ្លងជំងឺកូវីដ១៩ចំនួន១២៨នាក់ មានអ្នកជាសះស្បើយចំនួន២នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ក្នុងចំណោមអ្នកជាប់ពាក់ព័ន្ធជាង១ពាន់នាក់នោះកំពុងធ្វើចត្តាឡីស័កនៅតាមមណ្ឌលចត្តាឡីស័ក នៅតាមផ្ទះនិងនៅកាស៊ីណូបាវិតម៉ុកបាយ។ ក្នុងនោះក្រុមការងារបានយកសំណាក់លើកទី១ចំនួន៩២៤សំណាកនិងលើកទី២ចំនួន១៩សំណាកទៅពិនិត្យរកជំងឺកូវីដ១៩។

លោកបានបន្តទៀតថា ជាលទ្ធផលមានសំណាកចំនួន១២៨សំណាកមានវិជ្ជមានកូវីដ១៩ក្នុងនោះមានជាសះស្បើយចំនួន២នាក់ ហើយអ្នកជំងឺ១២៦នាក់ប្រុស៧៦នាក់និងស្រី៥០នាក់កំពុងសម្រាប់នៅតាមមន្ទីរពេទ្យរួមមាននៅមន្ទីរពេទ្យបង្អែកស្វាយជ្រំចំនួន៥៥នាក់ មន្ទីរពេទ្យសាមគ្គីរំដួលចំនួន៤៩នាក់និងនៅអគារបាវិតម៉ុកបាយចំនួន២២នាក់។

គួរបញ្ជាក់ថា ដើម្បីទប់ស្កាត់ការឆ្លងរីករាលដាលជំងឺកូវីដ១៩រដ្ឋបាលខេត្តស្វាយរៀងបានសម្រេចបិទក្រុងបាវិតរយៈពេល១២ថ្ងៃ គឺចាប់ពីថ្ងៃទី០៧រហូតដល់ថ្ងៃទី១៨ ខែមេសា ឆ្នាំ២០២១ជាបណ្តោះអាសន្ន។ ក្រៅពីនេះរដ្ឋបាលខេត្តបានផ្អាករាល់ការធ្វើដំណើរចេញចូលក្នុងក្រុមហ៊ុនកម្សាន្តអន្តរជាតិបាវិតម៊ុកបាយ ក្រុមហ៊ុនកាស៊ីណូពិភពថ្មី ក្រុមហ៊ុនកាស៊ីណូហ្គូដឡាក់និងក្រុមហ៊ុនអ៊ីម ភើរើ ដែលមានទីតាំងស្ថិតនៅក្នុងភូមិបាវិតកណ្ដាលសង្កាត់បាវិតក្រុងបាវិតផងដែរ៕

ដោយ ៖ សំអឿន