ព័ត៌មានអន្ដរជាតិ

ក្រោមក្រសែភ្នែកមេដឹកនាំក្នុងសម្ព័ន្ធមិត្ត ចិនបង្ហាញអានុភាពកងទ័ពនិងសព្វាវុធ

បានផុស

១០ ខែ មុន

នៅ

ថ្ងៃពុធ ៣ កញ្ញា ២០២៥

ដោយ

ប្រទេសចិនបានចាប់ផ្តើមក្បួនព្យុហយាត្រាយោធាដ៏ធំបំផុតមិនធ្លាប់មានរបស់ខ្លួននៅថ្ងៃពុធទី៣ខែកញ្ញា ដោយការចាប់ផ្តើមជាមួយការលើកទង់ជាតិដ៏ធំមួយ និងការច្រៀងចំរៀងជាតិដោយប្រជាជនចិនរាប់ពាន់នាក់ ក្រោមក្រសែភ្នែករបស់មេដឹកនាំបណ្តាប្រទេសជាសម្ព័ន្ធមិត្តដែលចូលរួមកិច្ចប្រជុំកំពូលនៃអង្គការកិច្ចសហប្រតិបត្តិការសៀងហៃ (SCO) កាលថ្ងៃទី២ខែកញ្ញានេះ និងជាពិសេសបំផុតវត្តមានមេដឹកនាំកូរ៉េខាងជើង លោក គឹម ជុងអ៊ុង ដែលទើបមកដល់ក្រោយគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្បួនដង្ហែរដែលប្រារព្ធខួប៨០ឆ្នាំនៃចាប់តាំងពីការចុះចាញ់កងទ័ពអធិរាជរបស់ជប៉ុននៅចុងបញ្ចប់នៃសង្គ្រាមលោកលើកទី ២ ដែលជាការបិទបញ្ចប់សង្គ្រាមលោកសម្រាប់តំបន់អាស៊ី បានបង្ហាញនូវកងអនុសេនាតូចដើរក្បួនរបស់កងទ័ពរំដោះប្រជាជន ក៏ដូចជាឧបករណ៍យោធាទំនើបៗដូចជា កាំជ្រួចល្បឿនលឿនជាងសំឡេង យន្តហោះគ្មានមនុស្សបើក និងរថក្រោះ។

តាមសេចក្តីរាយការណ៍របស់រ៉យទ័រ ទស្សនីយភាព «ទិវាជ័យជំនះ» ដែលស្តែងឲ្យឃើញពីការតតាំងចំពោះជំហរ របស់មេដឹកនាំអាមេរិក លោក ដូណាល់ ត្រាំ ដែលបានដាក់ចេញនូវបាវចនា «អាមេរិកទីមួយ» ដោយបានបញ្ឆេះសង្រ្គាមពាណិជ្ជកម្ម បានធ្វើឱ្យសម្ព័ន្ធភាពដ៏យូរអង្វែងរបស់ទីក្រុងវ៉ាស៊ីនតោន មានភាពតានតឹង។

ប្រធានាធិបតីចិន ស៊ី ជីនពីង បានចាត់ទុកសង្គ្រាមលោកលើកទី២ ជាចំណុចរបត់ដ៏សំខាន់មួយនៅក្នុង «ការស្តារឡើងវិញដ៏អស្ចារ្យនៃប្រជាជាតិចិន» ដែលក្នុងនោះវាបានយកឈ្នះលើភាពអាម៉ាស់នៃការឈ្លានពានរបស់ជប៉ុន ដើម្បីក្លាយជាមហាអំណាចសេដ្ឋកិច្ច។ នេះបើតាមរ៉យទ័រ៕