ព័ត៌មានជាតិ

អ្នកនាំពាក្យខេត្តបន្ទាយមានជ័យថា ស្ថានភាពពេលនេះពលរដ្ឋ និងទ័ពថៃនៅ២០ម៉ែត្រពីគ្នា

បានផុស

៩ ខែ មុន

នៅ

ថ្ងៃព្រហស្បតិ៍ ៤ កញ្ញា ២០២៥

ដោយ

អ្នកនាំពាក្យរដ្ឋបាលខេត្តបន្ទាយមានជ័យលោក លី សុវណ្ណារិទ្ធ បានឱ្យដឹងថាការរុញច្រានគ្នារវាងពលរដ្ឋខ្មែរ ប្រឆាំងនឹងទ័ពថៃឈ្លានពានមកដល់រសៀលថ្ងៃទី៤ ខែកញ្ញានេះមានភាពស្ងប់ស្ងាត់ហើយតែពលរដ្ឋនិងទាហានថៃនៅចម្ងាយប្រមាណ២០ម៉ែត្រពីគ្នាប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាប់កម្ពុជាថ្មីនៅរសៀលថ្ងៃទី៤ ខែកញ្ញានេះ លោក លី សុវណ្ណារិទ្ធ ថាថៃនៅមិនព្រមថយទៅវិញទេ ខណៈពលរដ្ឋខ្មែរនៅឈរចាំមើលសកម្មភាពរបស់ថៃជាបន្តទៀត។ លោកចាត់ទុកសកម្មភាពរបស់ថៃជាសកម្មភាពបង្ករឿងបំពានលើដែនដីអធិបតេយ្យរបស់កម្ពុជា។

លោកថា៖ «នេះនៅកន្លែងផ្សេងទៀតនៅខាងជើងពីកន្លែងមុន។ [..] ស្ថានភាពឥឡូវកំពុងនៅទល់មុខគ្នាឈរទល់មុខគ្នា។ ទាហានថៃក៏ឈរទល់មុខ យើងក៏នៅឈរទល់មុខចំងាយប្រហែល២០ម៉ែត្រពីគ្នា»។

បើតាមលោក លី សុវណ្ណារិទ្ធ ពេលនេះអាជ្ញាធរកំពុងនៅជាមួយពលរដ្ឋការពារសុវត្ថិភាពដល់ពលរដ្ឋផងដែរ។

គួរឱ្យដឹងផងដែរថាកាលពីព្រឹកថ្ងៃទី៤ ខែកញ្ញា ទាហានថៃបានព្យាយាមចូលមករាយបន្លាលួសនៅកន្លែងថ្មីមួយទៀតនៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ តែត្រូវបានពលរដ្ឋខ្មែរនៅទីនោះរួមគ្នាដេញចេញវិញ។ ការបន្តចូលមកឈ្លានពានដីខ្មែរជាថ្មីនេះគឺបន្ទាប់ពីអភិបាលខេត្តស្រះកែវរបស់ថៃប្រកាសឱ្យពលរដ្ឋរបស់ខ្លួនចូលទៅយកដីដែលឈ្លានពានបានធ្វើជាកម្មសិទ្ធិ។

សកម្មភាពឈ្លានពានរបស់ថៃនៅឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បានចាប់ផ្ដើមតាំងពីថ្ងៃទី១២ ខែសីហា ឆ្នាំ២០២៥មក ដែលបានធ្វើឱ្យប៉ះពាល់ដល់ពលរដ្ឋខ្មែរដែលកំពុងរស់នៅ និងអាស្រ័យផលលើដីនោះតាំងពីយូរមកហើយ៕

អត្ថបទដោយ ហ៊ុន សិរីវឌ្ឍន៍

Related Topics:ជម្លោះព្រំដែនកម្ពុជា-ថៃ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា