រយៈពេល ៤ ថ្ងៃ រកឃើញ​អ្នក​វិជ្ជមាន​កូវីដ-១៩ នៅ​ផ្សារ​អូរឫស្សី​រហូត​ដល់​ទៅ​ជាង ១០០ នាក់

ក្រោយពីមានការសម្រេចឲ្យផ្អាកដំណើរការជាបណ្ដោះអាសន្នមជ្ឈមណ្ឌលពាណិជ្ជកម្មផ្សារអូរឬស្សី រដ្ឋបាលរាជធានីភ្នំពេញបានតាមដានយ៉ាងយកចិត្តទុកដាក់ចំពោះស្ថានភាពនៃការរីករាលដាលជម្ងឺកូវីដ-១៩ក្នុងមូលដ្ឋាននេះ ជាពិសេសក្នុងចំណោមអាជីវករ សន្តិសុខ និងបុគ្គលិកកម្មករបម្រើការងារ ដែលមានការឆ្លងជាបន្តបន្ទាប់នូវជំងឺ-១៩ ដោយក្នុងរយៈពេល០៤ថ្ងៃកន្លងមកនេះ បានរកឃើញអ្នកវិជ្ជមានកូវីដ-១៩រហូតទៅដល់ជាង១០០នាក់ហើយ ។

ដូច្នេះទេដើម្បីបង្ការទប់ស្កាត់ឲ្យបាននូវការរីករាលដាលនូវជំងឺនេះរដ្ឋបាលរាជធានីភ្នំពេញក៏បានចេញនូវសេចក្តីណែនាំមួយ ដើម្បីក្រើនរំលឹកឲ្យបងប្អូនអាជីវករ និងបងប្អូនប្រជាពលរដ្ឋដែលធ្លាប់ចេញចូលផ្សារ គិតចាប់ពីថ្ងៃទី០១ខែមេសាមកនោះ អញ្ជើញទៅពិនិត្យយកសំណាក និងធ្វើចត្តាឡីស័ក១៤ថ្ងៃឲ្យបានគ្រប់គ្នា ។ នេះបើតាមសេចក្តីណែនាំរបស់រដ្ឋបាលរាជធានីភ្នំពេញ នៅព្រឹកថ្ងៃទី០៨ខែមេសានេះ។