ព័ត៌មានជាតិ

រកឃើញអ្នកវិជ្ជមានកូវីដ១៩ថ្មីម្នាក់ទៀត ធ្វើដំណើរតាមរថយន្តក្រុងមកកាន់សៀមរាប ក្នុងនោះមានអ្នករួមដំណើរ១៩នាក់

បានផុស

៥ years មុន

នៅ

ថ្ងៃសុក្រ ៩ មេសា ២០២១

ដោយ

អ្នកវិជ្ជមានកូវីដ១៩ថ្មីម្នាក់ទៀត ត្រូវបានរកឃើញតាមប្រព័ន្ធ QR Code ធ្វើដំណើរតាមរថយន្តក្រុងមកកាន់ខេត្តសៀមរាប ដោយក្នុងនោះមានអ្នករួមដំណើរ១៩នាក់ផ្សេងទៀត នេះបើតាមសេចក្តីប្រកាសព័ត៌មានរបស់រដ្ឋបាលខេត្តសៀមរាប។

ក្នុងសេចក្តីប្រកាសព័ត៌មានដដែលបានឲ្យដឹងថា រដ្ឋបាលខេត្តសៀមរាបបានរកឃើញអ្នកវិជ្ជមានកូវីដ១៩ខាងលើនេះ ភេទស្រីអាយុ៤៦ឆ្នាំ រស់នៅភូមិគោកចាន់ សង្កាត់គោកចក ក្រុងសៀមរាប។ តាមរយៈរបាយការណ៍ QR Code បានឲ្យដឹងថា អ្នកស្រីនៅព្រំប្រទល់ខេត្តសៀមរាប និង ខេត្តកំពង់ធំ ហើយបានធ្វើដំណើរតាមរថយន្តក្រុងម៉ាកហ៊ីយ៉ានដាយ ពាក់ស្លាកលេខ 3D-9211 ដែលមានអ្នករួមដំណើរចំនួន១៩នាក់។

សេចក្តីប្រកាសព័ត៌មានក៏បានបន្តទៀតថា អ្នកផ្ទុកកូវីដ១៩ខាងលើនេះ បានចេញពីខេត្តស្វាយរៀង ឆ្លងកាត់រាជធានីភ្នំពេញ ឆ្ពោះមកកាន់ខេត្តសៀមរាប កាលពីថ្ងៃទី៤ ខែមេសា ឆ្នាំ២០២១។

ជាមួយគ្នានេះ រដ្ឋបាលខេត្តសៀមរាបក៏បានសូមអំពាវនាវដល់អ្នករួមដំណើរក្នុងរថយន្តក្រុងទាំង១៩នាក់ សូមរួសរាន់ទំនាក់ទំនងមកយកសំណាក ហើយសមាជិកគ្រួសារនៃអ្នករួមដំណើរទាំង១៩នាក់ ត្រូវធ្វើចត្តាឡីស័កតាមផ្ទះរៀងៗខ្លួន៕

ពិស្តារ ៖