នយោបាយ
ក្រុមប្រឹក្សាធុរកិច្ចអាស៊ាន-អឺរ៉ុប សន្យាជួយជ្រោមជ្រែងកម្ពុជាធ្វើជាប្រធានអាស៊ាន
លោក Chris Humphrey នាយកប្រតិបត្តិនៃក្រុមប្រឹក្សាធុរកិច្ចអាស៊ាន-អឺរ៉ុប បានបង្ហាញពីការប្ដេជ្ញារបស់ក្រុមប្រឹក្សាធុរកិច្ចអាស៊ាន-អឺរ៉ុប ក្នុងការជួយជ្រោមជ្រែងដល់ការធ្វើជាប្រធានអាស៊ានរបស់កម្ពុជាតាមរយៈការចូលរួមកិច្ចពិភាក្សាក្នុងអំឡុងពេលកិច្ចប្រជុំរដ្ឋមន្ត្រីហិរញ្ញវត្ថុ និងទេសាភិបាលធនាគារកណ្តាលអាស៊ាន ក្រោមការរៀបចំរបស់ក្រសួងសេដ្ឋកិច្ច និងហិរញ្ញវត្ថុ ក្នុងកំឡុងចុងខែ មីនា ឆ្នាំ ២០២២ខាងមុខ។
ការបង្ហាញការគាំទ្ររបស់លោក Chris Humphreyនេះ គឺនៅក្នុងពិភាក្សាការងារជាមួយលោក អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុនៅថ្ងៃទី ១៨ ខែ មករា ឆ្នាំ ២០២២ នៅទីស្តីការក្រសួងសេដ្ឋកិច្ច។ នៅក្នុងជំនួបនោះ លោក Chris Humphrey បានមានប្រសាសន៍ថា ក្រុមប្រឹក្សាធុរកិច្ចអាស៊ាន-អឺរ៉ុប មានការគាំទ្រសម្រាប់ការរៀបចំវេទិកាគោលនយោបាយ លើប្រធានបទពាក់ព័ន្ធនឹងហិរញ្ញវត្ថុប្រកបដោយនិរន្តរភាព ក្នុងអំឡុងពេលកម្ពុជា ជាប្រធានកិច្ចប្រជុំរដ្ឋមន្ត្រីហិរញ្ញវត្ថុ និងទេសាភិបាលធនាគារកណ្តាលអាស៊ាន។
ចំណែក លោក អូន ព័ន្ធមុនីរ័ត្ន វិញ បានជម្រាបជូនក្រុមប្រឹក្សាធុរកិច្ចអាស៊ាន-អឺរ៉ុបថា ក្រសួងសេដ្ឋកិច្ច និងហិរញ្ញវត្ថុ បានកំណត់នូវអាទិភាពចំនួន៣ រួមមាន ការស្តារឡើងវិញ ការកសាងភាពអន់ និងការរួបរួមគ្នា សម្រាប់កិច្ចសហប្រតិបត្តិការហិរញ្ញវត្ថុអាស៊ាន សំដៅគាំទ្រដល់មូលបទរួមរបស់អាស៊ាន ឆ្នាំ ២០២២ ស្តីពី“អាស៊ានរួមគ្នាធ្វើ-ដោះស្រាយបញ្ហាប្រឈមទាំងអស់គ្នា។ ក្នុងន័យនេះ លោកអគ្គបណ្ឌិតសភាចារ្យ ឧបនាយករដ្ឋមន្ត្រី សង្ឃឹមថា ការចូលរួមរបស់ក្រុមប្រឹក្សាធុរកិច្ចអាស៊ានអឺរ៉ុប ក្នុងកិច្ចពិភាក្សាជាមួយរដ្ឋមន្រ្តីរវត្ថុ និងទេសាភិបាលធនាការកណ្តាលអាស៊ាន នឹងបន្តជាមូលដ្ឋានសម្រាប់តំបន់អាស៊ាន ដើម្បីទាក់ទាញការវិនិយោគបរទសបន្ថែមទៀត និងឆ្ពោះទៅរកការស្ដារឡើងវិញនៃសេដ្ឋកិច្ចប្រកបដោយចីរភាព និងភាពរឹងមាំ ។
ក្នុងជំនួបនោះដែរ ភាគីទាំងពីរ ក៏បានពិភាក្សាលើរបៀបវារៈសំខាន់ៗផ្សេងទៀតដែលអាចពិភាក្សាសម្រាប់កិច្ចប្រជុំអាស៊ាន ដូចជា ការបន្តរៀបចំ ASENTaxonomy ស្តីពីហិរញ្ញវត្ថុកដោយចីរភាព ដើម្បីជាផែនទីបង្ហាញផ្លូវក្នុងការផ្ដល់ហិរញ្ញប្បទានដល់គម្រោងអភិវឌ្ឍន៍ ដែលផ្តោតការគិតគូរខ្ពស់ទៅលើកាត់បន្ថយហានិភ័យពីការប្រែប្រួល អាកាសធាតុ និងការពង្រឹងគោលនយោបាយយកពន្ធលើទំនិញខុសច្បាប់ ជាដើម។
លោក អូន ព័ន្ធមុនីរ័ត្ន បានថ្លែងអំណរគុណដល់ក្រុមប្រឹក្សាធុរអាស៊ាន-អឺរ៉ុបសម្រាប់ការផ្ដល់កិច្ចសហការ និងការគាំទ្រដល់ការធ្វើជាប្រធានកិច្ចប្រជុំរដ្ឋមន្ត្រី ហិរញ្ញវត្ថុ និងទេសាភិបាលធនាគារកណ្ដាលអាស៊ាន របស់ក្រសួងសេដ្ឋកិច្ច និងហិរញ្ចវត្ថុ ដែលកិច្ចប្រជុំនេះ នឹងក្លាយជាវេទិកាដ៏សំខាន់ក្នុងការជំរុញកិច្ចសហប្រតិបត្តិការអាស៊ាន សំដៅធានាបាននូវស្ថិរភាពហិរញ្ញវត្ថុ ការធ្វើសមាហរណកម្មហិរញ្ញវត្ថុស៊ីជម្រៅ កិច្ចសម្រួលពាណិជ្ជកម្ម និងវិនិយោគ និងជាពិសេសការផ្តល់ហិរញ្ញប្បទានឲ្យបានប្រកបដោយ ដោយចីរភាពក្នុងតំបន់៕
អត្ថបទ ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង