នយោបាយ
ព្រះអង្គម្ចាស់ នរោត្តម ចក្រាវុធ ប្តេជ្ញាការពារ និងថែរក្សាគណបក្សហ៊្វុនស៊ិនប៉ិច ឱ្យគង់វង្ស
ព្រះអង្គម្ចាស់ នរោត្តម ចក្រាវុធ ព្រះប្រធានស្តីទីគណបក្សហ៊្វុនស៊ិនប៉ិច បានប្តេជ្ញាការពារ និងថែរក្សាគណបក្សហ៊្វុនស៊ិនប៉ិច ឱ្យបានគង់វង្ស។ ព្រះអង្គម្ចាស់ នរោត្តម ចក្រាវុធ បានប្តេជ្ញាបែបនេះ ខណៈយាងចុះជួបសំណេះសំណាលជាមួយថ្នាក់ដឹកនាំ ថ្នាក់ខេត្ត ស្រុក ឃុំ នៅទីស្នាក់ការគណបក្សខេត្តកំពត នៅក្នុងឃុំព្រៃឃ្មុំ ស្រុកទឹកឈូ នាព្រឹកថ្ងៃច័ន្ទ ទី២៤ ខែមករា ឆ្នាំ២០២២នេះ។

មានបន្ទូលនៅក្នុងពិធីសំណេះសំណាលនេះ ព្រះអង្គម្ចាស់ នរោត្តម ចក្រាវុធ ក្នុងនាមជាអ្នកបន្តវេន និងជាមេដឹកនាំនៃគណបក្សហ៊្វុនស៊ិនប៉ិច បានប្តេជ្ញាថា នឹងការពារថែរក្សាគណបក្សឱ្យគង់វង្ស ហើយព្រះអង្គមានជំនឿថា គណបក្សហ៊្វុនស៊ិនប៉ិច នឹងទទួលបានគាំទ្រសារជាថ្មី ក្នុងការបោះឆ្នោតនាពេលខាងមុខ។ ជាមួយគ្នានេះ ក្នុងនាមគណបក្សហ៊្វុនស៊ិនប៉ិច ព្រះអង្គបានប្រកាសស្វាគមន៍ និងបើកទ្វាចំហរ ចំពោះអ្នករាជានិយម អ្នកជាតិនិយម មករួបរួម សាមគ្គីគ្នាជាមួយមហាគ្រួសារ ក្រោមដំបូលគណបក្សហ៊្វុនស៊ិនប៉ិច។

ជាការកត់សម្គាល់ ការប្តេជ្ញារបស់ព្រះអង្គម្ចាស់ នរោត្តម ចក្រាវុធ ធ្វើឡើង បន្ទាប់ពីមានជម្លោះផ្ទៃក្នុងកាន់តែខ្លាំងឡើងៗ ហើយថ្នាក់ដឹកនាំគណបក្សហ៊្វុនស៊ិនប៉ិចមួយក្រុមដែលមានលោក សាយ ហាក់ លោក ហេង ចន្ថា និងលោក ផាន់ សិទ្ធី ជាដើម គ្រោងនឹងរៀបចំធ្វើសមាជ នាពេលខាងនេះ ដើម្បីយាងសម្តេចរាជបុត្រី ព្រះអនុជ នរោត្តម អរុណរស្មី អនុប្រធានទី១គណបក្ស ធ្វើជាព្រះប្រធានគណបក្សហ្វ៊ុនស៊ិនប៉ិច។

ទាក់ទងករណីជម្លោះផ្ទៃក្នុងគណបក្សហ្វ៊ុនស៊ិនប៉ិចនេះ គឺកាលពីថ្ងៃទី២០ ខែមករា ឆ្នាំ២០២២ សម្តេចក្រឡាហោម ស ខេង រដ្ឋមន្រ្តីក្រសួងមហាផ្ទៃ បានធ្វើលិខិតទូលថ្វាយព្រះអង្គម្ចាស់ នរោត្តម ចក្រាវុធ ដោយស្នើឱ្យព្រះអង្គម្ចាស់ ត្រូវធ្វើការសម្របសម្រួលផ្ទៃក្នុងគណបក្ស ដើម្បីរៀបចំសមាជជ្រើសរើស ក្បាលម៉ាស៊ីនដឹកនាំគណបក្ស ឱ្យស្របតាមខ្លឹមសារប្រការ១៦ ប្រការ១៧ ថ្មី ប្រការ១៩ ប្រការ២០ ប្រការ២៤ និងប្រការ៣៥ នៃលក្ខន្តិកៈគណបក្ស តម្កល់ទុកនៅក្រសួងមហាផ្ទៃ ព្រមទាំងបញ្ញត្តិមាត្រា១៨ ថ្មី នៃច្បាប់ស្តីពីគណបក្សនយោបាយផងដែរ៕
អត្ថបទ ៖ កោះកែវ

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៧ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៧ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ចរាចរណ៍៣ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់