នយោបាយ
លោក មុត ចន្ថា ៖ បក្សភ្លើងទៀន និងថ្នាក់ដឹកនាំ ជាអ្នកប្រកាន់យកនូវ “មនោគមន៍វិជ្ជា សម រង្សី និយម” ដែលបានបណ្តុះជាច្រើនឆ្នាំមកហើយ
អតីតនាយកខុទ្ទកាល័យ និងជាមនុស្សជំនិតរបស់លោក កឹម សុខា លោក មុត ចន្ថា បានអះអាងថា នរណាក៏ដឹងដែរថា គណបក្សភ្លើងទៀន (អតីតគណបក្ស សម រង្ស៉ី) និងអ្នកដឹកនាំក្រុមនេះ បានប្រកាន់យកនូវ “មនោគមន៍វិជ្ជា សម រង្សីនិយម” ដែលបានបណ្តុះជាច្រើនឆ្នាំមកហើយ បច្ចុប្បន្នលោក សម រង្សី បាននិងកំពុងបានប្រកាស ព្រមទាំងធ្វើសកម្មភាពគាំទ្រជាចំហរទៀតផង ខណៈដែលរាជរដ្ឋាភិបាលបានចាត់ទុកជាមេចលនាឧទ្ទាមក្រៅច្បាប់ នេះបើតាមលោក មុត ចន្ថា បានថ្លែងប្រាប់កម្ពុជាថ្មី នារសៀលថ្ងៃទី២១ ខែមេសា នេះ។
លោកថា “បក្សនេះបង្កើតឡើងដោយលោក សម រង្ស៉ី ហើយវានៅតែជារបស់គាត់។ គាត់នៅតែបន្តដឹកនាំពីក្រោយ ឬពីចម្ងាយ។ ខ្ញុំក៏ឃើញបែបនេះ ហើយកន្លងមក រហូតដល់ពេលនេះ រាជរដ្ឋាភិបាលបានចាត់ទុកលោក សម រង្ស៉ី ជាជនជ្រុលនិយម”។
បើតាមលោក មុត ចន្ថា សន្តិភាពមិនត្រូវការមនោគមវិជ្ជាជ្រុលនិយមទេ។ សន្តិភាព គឺជាគោលគំនិតនៃមិត្តភាព និងភាពសុខដុមរមនាក្នុងសង្គម ដោយអវត្តមានភាពប្រទូសរ៉ាយ និងអំពើហិង្សា។ ក្នុងន័យសង្គម សន្តិភាពត្រូវបានគេប្រើជាទូទៅមានន័យដល់កង្វះនូវជម្លោះ (ដូចជាសង្គ្រាម) និងការរួចចាកផុតពីការភ័យខ្លាច នៃអំពើហិង្សារវាងបុគ្គល ឬក្រុម។ ជាការពិតណាស់ អ្នកស្រឡាញ់ និងអ្នកការពាសន្តិភាព មិនត្រូវការអត្ថិភាព នៃមនោគមវិជ្ជាជ្រុលនិយមដែលតស៊ូមតិ ឱ្យមានការស្អប់ខ្ពើម ការរើសអើង ការបង្កជម្លោះ និងអំពើហិង្សាទាំងកាយ និងវិចារឡើយ។
លោក មុត ចន្ថា អះអាងថា រាជរដ្ឋាភិបាលបានចាត់ទុកលោក សម រង្ស៉ី គឺជាអ្នកញុះញង់បង្កអស្ថិរភាព ជាអ្នកអំពាវនាវឱ្យកងទ័ពងើបឡើងបះបោរ ដើម្បីផ្តួលរំលំរាជរដ្ឋាភិបាល ជាអ្នកប្រកាសចូលមាតុប្រទេសមកចាប់នាយករដ្ឋមន្ត្រីខ្មែរស្របច្បាប់ជាដើម។ ជាក់ស្តែង គេតែងតែស្តាប់ឮពីការចោទប្រកាន់ខ្លាំងៗថា អំពើរបស់លោក សម រង្សី ដែលជាម្ចាស់កម្មសិទ្ធិនៃបក្សភ្លើងទៀន និងជាអ្នកប្រកាសគាំទ្រ និងដឹកនាំរបក្សនេះដោយបើកចំហ គឺជាអំពើប្រឆាំងនឹងសន្តិភាព។
លោក មុត ចន្ថា អះអាងទៀតថា “អំណះអំណាងជាក់លាក់មិនអាចប្រកែកបាន គឺបក្សភ្លើងទៀន លោតចេញពីអតីតបក្សសង្គ្រោះជាតិ ចូលរួមការបោះឆ្នោត ដើម្បីបម្រើឱ្យបុព្វហេតុ និងមហិច្ឆតានយោបាយរបស់លោក សម រង្ស៉ី។ មិនគួរសង្ស័យឡើយ គឺថាកាលណាបក្សនេះដណ្តើមបានអំណាចនយោបាយ ទោះបីតិច ឬច្រើន នៅក្នុងការបោះឆ្នោត បក្សនេះនឹងក្លាយជាកូនអុក ឬឧបករណ៍នយោបាយរបស់លោក សម រង្ស៉ី ដើម្បីបង្កាត់ភ្លើងបង្កភាពអុកឡុកពីក្រៅប្រទេស”។
លោក មុត ចន្ថា ព្យាករថា អំណាចនយោបាយថ្មីនៃបក្សភ្លើងទៀន នឹងត្រូវលោក សម រង្ស៉ី ប្រើប្រាស់ក្នុងទិសដៅធំ២គឺ៖ ទី១, ដាក់សម្ពាធឱ្យមានដំណោះស្រាយនយោបាយសម្រាប់ខ្លួនគាត់ និងក្រុមអ្នកនយោបាយរត់ចោលស្រុកដែលកំពុងប្រឈមនឹងសំណាញ់ច្បាប់ និងទី២, ប្រសិនជាទិសដៅទី១ មិនបានសម្រេចតាមផែនការយុទ្ធសាស្ត្រ លោក សម រង្ស៉ី ដែលគេឱ្យឈ្មោះជាថៅកែបាតុកម្ម នឹងបញ្ឆេះឱ្យបក្សភ្លើងទៀនចេញតវ៉ាតាមដងផ្លូវ ដែលអាចឈានដល់មហាបាតុកម្ម ក្រោមលេសបាតុកម្មប្រឆាំងនឹងលទ្ធផលបោះឆ្នោតឆ្នាំ២០២២ និងឆ្នាំ២០២៣ ដូចគាត់ធ្លាប់បានដឹកនាំធ្វើនៅក្រោយការបោះឆ្នោតឆ្នាំ១៩៩៨, ឆ្នាំ២០០៣-២០០៤, ឆ្នាំ២០០៨ និង ឆ្នាំ២០១៣។
នៅពេលនោះ ហានិភ័យចំពោះសន្តិភាព និងអស្ថិរភាពសង្គម ដែលទំនងចៀសមិនផុតឡើយ បើនៅតែបណ្តោយឱ្យមេមនោគមវិជ្ជាជ្រុលនិយម និងហិង្សានេះ មានឱកាស និងលទ្ធភាពបន្តសាបព្រោះតទៅទៀត។ ស្មៅនឹងដុះលូតលាស់ឡើងវិញ ហើយនឹងច្រើនជាងមុន។ លោកថា អ្នកស្រឡាញ់ និងអ្នកការពារសន្តិភាពស្មោះត្រង់ ប្រាកដជាមិនត្រូវការកម្ទេចភ្លើងនាំគ្រោះថ្នាក់នេះឡើយ ព្រោះវាអាចនឹងឆាបឆេះសន្ធោសន្ធៅទៅជាអណ្តាតភ្លើងឆេះដុតបំផ្លាញសន្តិភាព និងសមិទ្ធផលផ្សេងៗ។
លោក មុត ចន្ថា ថ្លែងដែរថា អ្នកសន្តិភាពនិយម អ្នកអហិង្សានិយម អ្នកផ្សះផ្សាជាតិនិយម អ្នកមិនគុំកួនសងសឹក មិនយកខ្មែរជាសត្រូវ ដែលប្រជាពលរដ្ឋខ្មែរប្រាថ្នាចង់បានក្នុងឆាកនយោបាយ និងការបោះឆ្នោតកម្ពុជា គួរត្រូវទទួលបាននូវសេរីភាព និងឱកាសធ្វើសកម្មភាពនយោបាយទៅវិញ ដើម្បីចូលរួមការពារសន្តិភាព និងទប់ស្កាត់មនោគមវិជ្ជាជ្រុលនិយម និងហិង្សា៕
ដោយ ៖ កោះកែវ
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល