អាជីព

ប្រកាន់៤ យ៉ាងនេះ ទោះខំធ្វើការមួយជីវិតទៀត ក៏មិនមានបានដូចគេដែរ

បានផុស

៥ years មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

អ្នកណាៗក៏ចង់មានបាន ដោយខំប្រឹងធ្វើការយប់ថ្ងៃដើម្បីជីវភាពប្រសើរឡើង។ ប៉ុន្តែមនុស្សភាគច្រើនមិនបានដឹងថា ទង្វើមួយចំនួនដែលពួកគេធ្វើជាប្រចាំអាចរារាំងក្នុងក្លាយជាអ្នកមានបាន ទោះជាត្រូវប្រើពេលខំពេញមួយជាតិនេះក៏ដោយ។

តើទង្វើទាំងនោះមានអ្វីខ្លះ?

មិនចេះអភិវឌ្ឍខ្លួន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខំធ្វើការតែមួយ មិនអាចធានាឲ្យយើងមានមាសប្រាក់ច្រើនឡើយ ប៉ុន្តែការធ្វើការដោយប្រើភាពវៃឆ្លាតទៅវិញទេ ទើបធ្វើឲ្យយើងអាចមានបាន។ ចង់ក្លាយជាអ្នកមាន យើងត្រូវចេះអភិវឌ្ឍសមត្ថភាពខ្លួនឯងជានិច្ច និងមានផែនការបណ្ដាក់ទុនផ្សេងៗដែលនាំឲ្យរីកចម្រើនកើនទ្រព្យ។

ចាយលុយធំលើសពីការចាំបាច់

យើងប្រហែលគិតថា មហាសេដ្ឋីមានទ្រព្យច្រើន នឹងចាយច្រើនដូចគ្នា ប៉ុន្តែការចាយវាយ ទ្រព្យបង្អួតមិនមែនជាគោលការណ៍របស់ពួកគេនោះទេ។ បើដឹងថាខ្លួនមានចំណូលតិច យើងគួរចែកឲ្យដាច់នូវអ្វីដែលចាំបាច់ និងអ្វីដែលមិនចាំបាច់ ហើយព្យាយាមចំណាយតែលើអ្វីដែលត្រូវកការបានហើយ។

រំពឹងតែលើប្រាក់ខែ

មនុស្សភាគច្រើនធ្វើការរង់ចាំតែថ្ងៃបើកប្រាក់ខែ ខណៈដែលអ្នកមានភាគច្រើនខិតខំធ្វើការឲ្យបានប្រាក់ច្រើនលឿនបំផុត។ អ្នកមានលើលោកនេះ ពុំមាននរណាជាអ្នកដេកចាំស៊ីប្រាក់ខែទេ តែអ្នកជាអ្នកចេញរកស៊ីដោយខ្លួនឯង។ បើយើងមិនទាន់មានទុកធំដុំ យើងក៏អាចបង្កើតជំនួញខ្នាតតូចសិន ឬរកចំណូលផ្សេងបន្ថែមពីលើការងារពេញម៉ោងសព្វថ្ងៃរបស់យើងបានដែរ។

ចាយមុន សន្សំក្រោយ

បើចង់ក្លាយជាអ្នកមាន ត្រូវដកលុយសន្សំសិន សឹមចាយ មិនមែនចាយទាល់តែអស់ចិត្ត សល់ប៉ុន្មានទើបសន្សំជាក្រោយនោះទេ។ គួរបង្កើតទម្លាប់បែងចែកលុយសម្រាប់ចាយពេលអាសន្ន ឬសន្សំទុកឲ្យហើយនៅគ្រប់ពេលដែលបានលុយមក។ ក្រៅពីនោះ ក៏ត្រូវមានគោលដៅសន្សំឲ្យជាក់លាក់ដូចជា ទិញផ្ទះ ឬដើរលេងឆ្ងាយៗជាដើម។ កុំភ្លេចថាពួកមហាសេដ្ឋីតែងតែមានគោលដៅ ហើយនឹងផ្ដោតលើគោលដៅរបស់ពួកគេរហូតទាល់តែបានសម្រេច៕

ប្រែសម្រួល៖ សន្យា

ប្រភព៖ Entrepreneur

ចុចអាន៖ប្រកាន់ចំណុចទាំង៥នេះបាន ធានាថាជីវិតការងារតែងតែជោគជ័យ

ចុចអាន៖ស្វែងយល់មនុស្ស ៤ ប្រភេទនៅកន្លែងការងារ