អាជីព
កសិករស្នើមន្ត្រីជំនាញកសិកម្មជួយបង្ហាញពីបច្ចេកទេសកម្ចាត់សត្វដង្កូវស៊ីដំណាំល្ង
ដាំដំណាំល្ងរបស់កសិករនៅឆ្នាំនេះត្រូវសត្វដង្កូវស៊ីបំផ្លាញហើយពួកគាត់រិះរកវិធីសម្លាប់ដង្កូវនេះដែរ តែធ្វើមិនឈ្នះបាញ់ថ្នាំសម្លាប់បានតែមួយសប្តាហ៍វាកើតមកវិញដដែលដូចនេះពួកគាត់ស្នើសុំមន្ត្រីជំនាញកសិកម្មជួយបង្ហាញបច្ចេកទេសកម្ចាត់សត្វដង្កូវចង្រៃទាំងនេះ ដើម្បីឱ្យដាំណាំទទួលបានផលល្អ។
លោកស្រី ថា សារុំ ជាម្ចាស់ចម្ការនៅភូមិឫទ្ធីសែនជ័យពីរ ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង បានបញ្ជាក់ថា៖ ដំណំាល្ង ឆ្នាំនេះមិនទទួលផលបានល្អទេ ព្រោះកើតដង្កូវស៊ីចំផ្លាញស្ទើរទាំងចម្ការតែម្តង ថែមទាំងចំណាយថវិកាទិញថ្នាំមកបាញ់សម្លាប់សត្វដង្កូវនេះថែមទៀត។
លោកស្រីថា៖ ការបាញ់ថ្នាំទៀតសោទមិនសម្រេចបានតាមបំណងទេ ព្រោះនៅពេលថ្នាំនេះសាបរលាបឃើញកើតដង្កូវមកវិញដ៍ដែលណាមួយរងផលប៉ះពាល់ពីការប្រែប្រួលអាកាសធាតុផង មានភ្លៀងធ្លាក់ច្រើន ធ្វើឲ្យកសិករខាតបង់ដើមទុននិងពេលវេលា ក្នុងការដាំដំណាំ ដូចនេះសុំមន្ត្រីជំនាញកសិកម្មជួយបង្ហាញបច្ចេកទេស តើត្រូវប្រើថ្នាំអ្វី បាញ់សម្លាប់ដង្កូវ ហើយកុំឱ្យវាកើតមកវិញទៀត។
លោក ម៉ែន សារឿនមេភូមិឫទ្ធីសែនជ័យពីរ បានទទួលស្គាល់ថា៖ ដំណាំល្ងកសិករនៅឆ្នាំនេះជួបប្រទះខ្លះកើតជំងឺរួញស្លឹក និងមានដង្កូវមកស៊ីបំផ្លាញមែន ហើយគ្រោះចង្រៃនេះអាជ្ញាធរមូលដ្ឋានបានជូនព័ត៌មានទៅមន្ត្រីកសិកម្មស្រុកឱ្យមកពិនិត្យជាក់ស្តែង តែមិនទាន់បានចុះមកពិនិត្យទេ។
លោកសង្ឃឹមថា៖ ក្រោយពីមានការផ្សព្វផ្សាយ ព័ត៌មាននេះមន្ត្រីជំនាញនិងចុះមកពិនិត្យផ្តល់បច្ចេកទេសពីការថែទាំដំណាំល្ងនេះ ដើម្បីជួយដល់កសិករនៅទីជនបទ ដែលខិតខំធ្វើស្រែចំការ ដាំដំណាំគ្រប់ប្រភេទ តែមិនទទួលបានផលដូចបំណង ព្រោះខ្លះកើតជំងឺ ខ្លះសត្វល្អិតមកស៊ីបំផ្លាញ។
លោក ទំ នីរ៉ូ ប្រធានមន្ទីរកសិកម្មរុក្ខាប្រមាញ់និងនេសាទខេត្តស្ទឹងត្រែង បានពន្យល់ថា៖ករណីនេះឱ្យបងប្អូនកសិករប្រើវិធានការ ថ្នាំគីមីពុល ប្រភេទ ពពួកស្តេចនាគ ដែលមានបិទស្លាកសញ្ញា ទទួលស្គាល់ ពីក្រសួងកសិកម្ម ទិញយកទៅប្រើប្រាស់តាមការណែនាំរបស់មន្ត្រីជំនាញ ដើម្បីចៀសវាងកុំឱ្យបង្កផលប៉ះពាល់ផ្នែកសុខភាព។
លោកបន្តថា៖ មួយវិញទៀតបងប្អូនកសិករមានចំការនៅជិតគ្នាត្រូវធ្វើឡើងព្រមគ្នា ដើម្បីទប់ស្កាត់ និងធ្វើឱ្យវាស្លាប់មិនចម្លងគ្នាពីទីតាំងមួយទីទៅតាំងមួយ ពីចំណុចមួយទៅចំណុចមួយទៀត។
សូមបញ្ជាក់ថា៖នៅភូមិឬទ្ធីសែនជ័យ កសិករភាគច្រើនប្រកបមុខរបរដាំដំណាំរួមផ្សំ ជាពិសេសពោត ល្អ សណ្តែក និងដំណាំយុទ្ធសាស្ត្រផ្សេងៗមួយចំនួនទៀត ដូចជាស្វាយចន្ទី ស្វាយកែវល្មៀត និងដំឡូងមីច្រើនជាងគេ ជាលក្ខណគ្រួសារ តែដំណាំល្ងឆ្នាំនេះមានហ្វូងសត្វដង្កូវស៊ីបំផ្លាញខុសផ្លែកពីឆ្នាំកន្លងមក៕
អត្ថបទ៖ ងិនលីម
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៦ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម