Connect with us

សន្តិសុខសង្គម

ពេលនេះ សមត្ថកិច្ចតាមចាប់ទណ្ឌិតហែកគុកនៅស្ទឹងត្រែងបានវិញទាំងអស់ហើយ

បានផុស

នៅ

អ្នកនាំពាក្យរដ្ឋបាលខេត្តស្ទឹងត្រែង លោក ម៉ែន គង់ មានប្រសាសន៍ប្រាប់ “កម្ពុជាថ្មី” នៅរសៀលថ្ងៃទី ១៧ ខែវិច្ឆិកា នេះថា មកដល់ពេលនេះ សមត្ថកិច្ចបានស្រាវជ្រាវចាប់អ្នកទោសទម្លុះពន្ធនាគារបាន ២ នាក់ទៀតហើយ សរុបមកដល់ពេលនេះ គឺចាប់បាន ៧ នាក់ ក្នុងចំណោម ទណ្ឌិត ៧ នាក់ ដែលបានទម្លុះជញ្ជាំងពន្ធនាគារខេត្តស្ទឹងត្រែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ែន គង់ មានប្រសាសន៍ថា៖ “អ្នកទោសទាំង ២ នាក់នេះជាជនជាតិឡាវ មានឈ្មោះ សៀន ខន និង ឡាវ៉ាន់ កាវង់ផេង។ ពួកគេ ត្រូវបានតុលាការផ្តន្ទាទោសពាក់ព័ន្ធនឹងករណីជួញដូរគ្រឿងញៀន។

លោកបានបញ្ជាក់ថា អ្នកទោស២នាក់នេះ ត្រូវបានចាប់បាននៅម៉ោង១១ នៅភូមិកោះហិប ឃុំអូរស្វាយ ស្រុកបបុររីអូរស្វាយសែនជ័យ ខេត្តស្ទឹងត្រែង។

គួររំលឹកថា គួររំលឹកថា កាលពីវេលាម៉ោង ៣ និង ២០ នាទីរំលងអធ្រាត្រទៀបភ្លឺ ឈានចូលថ្ងៃទី ៨ ខែវិច្ឆិកា ឆ្នាំ ២០២១ មាន អ្នកទោសចំនួន ៧ នាក់បានប្រើឧបករណ៍រឹងទម្លុះជញ្ជាំងពន្ធនាគាររត់គេចខ្លួន ដែលទីតាំងស្ថិតនៅភូមិបាចុង សង្កាត់ព្រះបាទ ក្រុងស្ទឹងត្រែង។ ក្រោយពេលដឹង មន្ត្រីអនុរក្សពន្ធនាគារបានប្រើអាវុធបាញ់ប្រមាណ ៤ គ្រាប់ ដើម្បីគំរាមបញ្ឈប់សកម្មភាពរត់គេចរបស់ពួកគេ តែពួកគេមិនឈប់ និងបានរត់គេចអស់ចំនួន ៧ នាក់។ យោងតាមការពិនិត្យរបស់មន្ត្រីអនុរក្សពន្ធនាគារ បានរកឃើញឧបករណ៍ប្រដាប់កែឆ្នៃសិប្បកម្ម និងវត្ថុរឹងមួយចំនួន ប្រដាប់ខួង ដែកត្រសេះ កំណាត់ឈើ ខ្នើយភួយ យកមកទ្រាប់ ដើម្បីវាយជញ្ជាំងថ្មមិនឱ្យលឺសំឡេង។

គួរបញ្ជាក់ថា នៅយប់មិញ កម្លាំងសមត្ថកិច្ចឡោមព័ទ្ធចាប់បាន ទណ្ឌិតម្នាក់ ជាជនជាតិឡាវ ឈ្មោះ ចាក់លី ចឺតាលី ដែលមានទោសជាប់ពន្ធនាគារមួយជីវិត ពាក់ព័ន្ធនឹងជំនួញគ្រឿងញៀន។  នៅថ្ងៃទី ១០ ខែវិច្ឆិកានេះ មានឈ្មោះ វ៉ាន់តូ ជនជាតិខ្មែរ និងឈ្មោះ ភីតងិន ជាជនជាតិឡាវ និងនៅព្រលប់ថ្ងៃទី ៩ ខែវិច្ឆិកា សមត្ថកិច្ចចាប់ខ្លួនបានម្នាក់ឈ្មោះ ទូច វ៉ាត់ ជនជាតិខ្មែរ។ ទណ្ឌិតទាំង ៤ នាក់ខាងលើ ជាប់ចោទពីបទជួញដូរដោយខុសច្បាប់នូវសារធាតុញៀន។ លុះថ្ងៃទី១២ ខែវិច្ឆិកា សមត្ថកិច្ចចាប់បានម្នាក់ទៀត ឈ្មោះ ហន វិមាន ជនជាតិខ្មែរ៕

អត្ថបទ៖ ងិន លីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៣ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៣ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៤ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៤ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម