សន្តិសុខសង្គម

ចោរឆក់និស្សិតឆ្នាំទី៤ម្នាក់ បានសម្រេចនៅមុខវត្តស្ទឹងមានជ័យ

បានផុស

២ years មុន

នៅ

ថ្ងៃសុក្រ ១៩ វិច្ឆិកា ២០២១

ដោយ

នារីជានិស្សិតម្នាក់និងជាអ្នកដឹកអីវ៉ាន់តាមអនឡាញត្រូវបានជនសង្ស័យមួយក្រុមឆក់ការបូបស្ពាយបានសម្រេចហើយគេចខ្លួនបាត់ដោយសុវត្តិភាព។

ហេតុការណ៍នេះបានកើតឡើងកាលពីវេលាម៉ោង៨និង៣០នាទីយប់ ថ្ងៃទី១៨ ខែវិច្ឆិកា ឆ្នាំ២០២១ នៅចំណុចមុខវត្តស្ទឹងមានជ័យ តាមបណ្តោយផ្លូវព្រះមុនីរ៉េត ស្ថិតក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នារីរងគ្រោះឈ្មោះ សំណាង អាយុ២៤ឆ្នាំ មុខរបបអ្នករត់ឯកសារដឹកតាមអនឡាញ និងជានិស្សិតឆ្នាំ៤ ស្នាក់នៅម្ដុំលូប្រាំ ក្នុងសង្កាត់ស្ទឹងមានជ័យទី៣ ខណ្ឌមានជ័យ ។ ក្នុងការបូបនារីរងគ្រោះដែលត្រូវជនសង្ស័យឆក់យកទៅបាត់នោះរួមមាន ប៉ាសស្ព័រឆ្លងដែនចំនួន៥សន្លឹក ទូរស័ព្ទដៃ១២bro mak ចំនួន១គ្រឿង លុយ៣០ដុល្លារ អត្តសញ្ញាណប័ណ្ណ១សន្លឹក កាតចាក់វ៉ាក់សាំង១សន្លឹក ។

បើតាមសម្ដីនារីរងគ្រោះបានឱ្យដឹងថា មុនកើតហេតុរូបនាងជិះម៉ូតូមួយគ្រឿងម៉ាក GBX ពណ៌ឈាមជ្រូក គ្មានស្លាកលេខតែម្នាក់ឯង ធ្វើដំណើរពីម្តុំផ្សារដើមគរ បំណងទៅផ្ទះម្ដុំលូប្រាំ ដោយជិះតាមបណ្តោយផ្លូវព្រះមុនរីរ៉េត ទិសដៅពីកើតទៅលិច ខណៈមកដល់វត្តស្ទឹងមានជ័យជិតដល់ផ្សារស្ទឹងមានជ័យចាស់ ស្រាប់តែលេចមុខជនសង្ស័យ៣នាក់ជិះម៉ូតូមួយគ្រឿងមិនចាំស្លាកលេខ ធ្វើដំណើរមកតាមក្រោយ ហើយធ្វើសកម្មភាពឆក់កាបូបស្ពាយចំហៀងរបស់នាងបានសម្រេច រួចជិះគេចខ្លួនដោយសុវត្តិភាព បើទោះបីរូបគាត់ខំស្រែកថាចោរៗដើម្បីឲ្យគេជួយក៏គ្មានអ្នកជួយដេញតាមដែរ ។

ក្រោយកើតហេតុ នារីរងគ្រោះបានទៅដាក់ពាក្យបណ្ដឹងនៅប៉ុស្ដិ៍នគរបាលរដ្ឋបាលស្ទឹងមានជ័យទី១ ភ្លាមៗ ដើម្បីឲ្យសមត្ថកិច្ចជួយអន្តរាគមន៍តាមចាប់ជនសង្ស័យ និងយកសម្ភារៈមកវិញទាំងក្ដីអស់សង្ឃឹម ។

គួរបញ្ជាក់ថា ចំពោះទីតាំងម្តុំវត្តស្ទឹងមានជ័យតែងតែមានជនសង្ស័យធ្វើសកម្មភាពឆក់ទ្រព្យសម្បត្តិប្រជាពលរដ្ឋអ្នកធ្វើដំណើរជាញឹកញាប់ ធ្វើឱ្យពលរដ្ឋមានការព្រួយបារម្ភពេលធ្វើដំណើរឆ្លងកាត់តំបន់នោះម្តងៗ។

ពលរដ្ឋស្នើដល់លោក ម៉េង វិមានតារា អធិការនគរបាលខណ្ឌមានជ័យ មេត្តាដាក់កម្លាំងល្បាតក្នុងមូលដ្ឋានងាយរងគ្រោះជាពិសេសតំបន់វត្តស្ទឹងមានជ័យតែម្តង ដើម្បីអនុវត្តតាមគោលនយោបាយ ភូមិ សង្កាត់មានសុវត្តិភាព ៕

អត្ថបទ៖ សុខា