សន្តិសុខសង្គម

Update៖ សមត្ថកិច្ចដោះលែងរថយន្ដជនជាតិចិន២គ្រឿងក្រោយពិនិត្យមិនពាក់ព័ន្ធបទល្មើស

បានផុស

៥ years មុន

នៅ

ថ្ងៃអង្គារ ៣០ វិច្ឆិកា ២០២១

ដោយ

រថយន្តជនជាតិចិនស៊េរីទំនើបចំនួន២គ្រឿងដែលសមត្ថកិច្ចឃាត់បានដោះលែងទៅវិញហើយនៅព្រឹកថ្ងៃទី ៣០ ខែវិច្ឆិកា នេះ ដោយមិនមានពាក់ព័ន្ធក្នុងការដឹករបស់ខុសច្បាប់នោះទេ។

គួររំលឹកផងដែរថា រថយន្តជនជាតិចិនទាំង២គ្រឿងត្រូវបានសមត្ថកិច្ចឃាត់កាលពីវេលាម៉ោង៣និង៣០នាទីរសៀល នៅចំណុចកែងវត្តព្រះអង្គធំ ស្ថិតក្នុងភូមិព្រែក ក្រុងខេត្តស្ទឹងត្រែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា រថយន្តទាំងពីរគ្រឿងជាប្រភេទរថយន្តស៊េរីទំនើបម៉ាកឡុងគ្រីស័រ 570 ពណ៌ខ្មៅមួយគ្រឿង និងមួយគ្រឿងទៀតម៉ាកអាល ហ្វាត ពណ៌ខ្មៅ ដោយមានដឹកកេសបួនជ្រុងពណ៌ស លាយទឹកដោះគោ នៅក្នុងរថយន្ត ត្រូវបានឃាត់បញ្ជូនទៅស្នងការធ្វើការត្រួតពិនិត្យ។

សមត្ថកិច្ចបានអោយដឹងទៀតថា រថយន្តស៊េរីទំនើបរបស់ជនជាតិចិនខាងលើមានអ្នកបើកបរនិងអ្នករួមដំណើរចំនួនបួនទៅប្រាំនាក់ បានចេញពីព្រំដែនកម្ពុជា-ឡាវ ដែលគេសង្ស័យថា ដឹកនាំរបស់ខុសច្បាប់ ត្រូវបានភ្នាក់ងារប្រចាំព្រំដែនរាយការណ៍ ហើយត្រូវបានកម្លាំងនគរបាលស្ទាក់ឃាត់បានបញ្ជូនទៅស្នងការនគរបាលខេត្តធ្វើការត្រួតពិនិត្យ។

ក្រោយការត្រួតពិនិត្យនៅក្នុងកេសទាំងអស់ ឃើញមានសុទ្ធតែស្រាមានតម្លៃថ្លៃដែលជនជាតិចិន ទិញសម្រាប់ទុកយកទៅជប់លៀងនៅថ្ងៃចូលឆ្នាំចិនខាងមុខនេះ ហើយត្រូវបានសមត្ថកិច្ចដោះលែងឲ្យត្រឡប់ទៅវិញនៅព្រឹកនេះ៕

អត្ថបទ៖ ងិនលីម