សន្តិសុខសង្គម
ទើបចេញពីពន្ធនាគារលួចម៉ូតូអ្នកជិតខាង សមត្ថកិច្ចស្រាវជ្រាវចាប់បក្ខពួកម្នាក់ទៀត
ជនសង្ស័យម្នាក់ដែលទើបតែចេញពីពន្ធនាគារមិនរៀងចាលក៏បន្តធ្វើសកម្មភាពលួចម៉ូតូអ្នកជួលបន្ទប់ជិតគ្នាបានសម្រេច រួចបន្តយកឱ្យដៃគូរកាលពីល្ងាចថ្ងៃទី១៤ ខែធ្នូ ឆ្នាំ២០២១ នៅបន្ទប់ជួលភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។ លុះព្រឹកថ្ងៃទី១៥ ខែឆ្នាំដដែលត្រូវបានសមត្ថកិច្ចស្រាវជ្រាវឃាត់បានជាបន្តបន្ទាប់។
ជនសង្ស័យដែលធ្វើសកម្មភាពលួចមានឈ្មោះ លីចាន់ សុខថា ភេទប្រុសអាយុ១៦ឆ្នាំ មុខរបរមិនពិតប្រាកដ ស្នាក់នៅបន្ទប់ជួលភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ។ ទី២ជាអ្នកទទួលយកទៅលក់ឈ្មោះ ភួង សារ័ត្ន ភេទប្រុសអាយុ១៧ឆ្នាំ ស្នាក់នៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ។ ចំណែកជនរងគ្រោះឈ្មោះ កយ ចាន់ថន ភេទប្រុសអាយុ២៤ឆ្នាំ មុខរបរកម្មកររោងចក្រ ស្នាក់នៅភូមិអង្គសង្កាត់ចោមចៅទី៣ ខណ្ឌពោធិ៍សែនជ័យ។ ម៉ូតូដែលជនសង្ស័យលួចយកទៅលក់នោះម៉ាកហុងដាឌ្រីមសង់ ស៊េរីឆ្នាំ២០១៤ ពណ៌ខ្មៅ ពាក់ស្លាកលេខបន្ទាយមានជ័យ 1I 3797 ។
តាមប្រភពព័ត៌មានពីជនរងគ្រោះបានឱ្យដឹងថា មុនពេលកើតហេតុវេលាម៉ោង៣និង៤០នាទី រូបគាត់បានទុកម៉ូតូខាងមុខបន្ទប់ដោយភ្លេចដកសោចេញ ហើយចូលសម្រាកខាងក្នុងលុះមកដល់វេលាកើតហេតុស្រាប់តែលឺសម្រេចបញ្ឆេះម៉ូតូជិះចេញទៅ ភ្លាមនោះរូបគាត់បានស្ទុះបើកទ្វារតែត្រូវជនសង្ស័យយកមេសោចាក់ខ្ទាស់ខាងក្រៅជាប់បាត់ទៅហើយ។
ក្រោយកើតហេតុជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅទី៣ដើម្បីសុំការអន្តរាគមន៍។
សមត្ថកិច្ចបានឱ្យដឹងថា ក្រោយពីទទួលពាក្យបណ្តឹងភ្លាមកម្លាំងក៏បានធ្វើការស្រាវជ្រាវរហូតកំណត់មុខសញ្ញាបាន នៅព្រឹកថ្ងៃទី១៥ ខែឆ្នាំដដែលធ្វើការដល់បន្ទប់ជួលតែម្តង និងបន្តចាប់បក្ខពួកម្នាក់ទៀតជាបន្តបន្ទាប់។
នៅចំពោះមុខសមត្ថកិច្ចជនសង្ស័យបានសារភាពថា ខ្លួនពិតជាបានធ្វើសកម្មភាពលួចម៉ូតូជនរងគ្រោះពិតប្រាកដមែន ហើយយកទៅលក់បានលុយ៧០ម៉ឺនរៀល ចែកគ្នាស្មើ និងធ្លាប់ជាប់ពន្ធនាគាររយះពេល៨ខែ ពីបទប្រើប្រាស់គ្រឿងញៀន។
បច្ចុប្បន្ន ជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌនៃអធិការនគរបាលខណ្ឌពោធិ៍សែនជ័យដើម្បីចាត់ការបន្ត៕
អត្ថបទ៖ សុខា
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)