សន្តិសុខសង្គម
ទាហានថៃចាប់ពលរដ្ឋខ្មែរ៧០នាក់ ក្នុងកន្លែង២ផ្សេងគ្នា ករណីលួចឆ្លងដែនខុសច្បាប់
បន្ទាយមានជ័យ ៖ ថ្ងៃនេះទាហានថៃបានចាប់ពលរដ្ឋខ្មែរ ប្រុស ស្រី និង ក្មេង ៧០នាក់ក្នុងកន្លែង២ផ្សេងគ្នាដែលកំពុងលួចឆ្លងដែនខុសច្បាប់ទៅប្រទេសថៃ រកការងារធ្វើនៅយប់ចូល ថ្ងៃទី២២ ខែធ្នូ ឆ្នាំ២០២១។
ករណីទី១កម្លាំងការពារព្រំដែនរបស់ថៃបានប្រាប់កម្លាំងការពារព្រំដែនរបស់ខ្មែរថា នៅយប់ ថ្ងៃទី ២២នោះកម្លាំងរបស់លោកបានឃាត់មេខ្យល់ខ្មែរម្នាក់ឈ្មោះ កើម ឡើន អាយុ៣៨ឆ្នាំ និងបក្ខពួកសរុប៤២នាក់ រួមទាំងក្មេងៗ១៨នាក់ទៀត សរុប៦០នាក់ នៅបរិវេណភូមិខ្លង វ៉ា ឃុំ ថាប់ព្រិក ស្រុកអារញ្ញ ខេត្តស្រះកែវ។
កម្លាំងការពារព្រំដែនរបស់ថៃបានប្រាប់ឲ្យដឹងបន្តទៀតថា ពេលដែលសមត្ថកិច្ចថៃសួរចម្លើយ ពលរដ្ឋខ្មែរទាំងអស់ខាងលើ បានប្រាប់សមត្ថកិច្ចថៃថា ពួកខ្លួនចង់លួចឆ្លងដែនចូលទៅប្រទេសថៃតាមច្រករបៀងពីប្រទេសខ្មែរចូលដល់ថៃ ដើម្បីរង់ចាំរថយន្តមកទទួលទៅកាប់អំពៅ នៅស្រុកវ៉ាំង សំបូរ ខេត្តស្រះកែវ ចំនួន៤០នាក់ ព្រមទាំងក្មេង១៨នាក់ទៀត ដោយបានចំណាយលុយក្នុងម្នាក់ៗចំនួន១,០០០បាត។ ដោយឡែក២នាក់ទៀត ចង់ទៅធ្វើការសំណង់នៅខេត្តនគរាជ សីម៉ា ដោយចំណាយលុយក្នុងការធ្វើដំណើរចូលមកចំនួន៧,០០០បាត ក្នុងម្នាក់ក្រោយពីសួរចម្លើយចប់សព្វគ្រប់ សមត្ថកិច្ចថៃក៏បានអនុវត្តតាមវិធានការរបស់ផ្នែកសុខាភិបាល និងឃុំខ្លួនបញ្ជូនទៅឲ្យជំនាញ ដើម្បីចាត់ការតាមច្បាប់បន្ត។
ចំណែកករណីទី២កម្លាំងការពារព្រំដែនរបស់ថៃបានប្រាប់ឲ្យដឹងបន្តទៀតថា ក្នុងទឹកដីស្រុកតាព្រះយ៉ា ខេត្តស្រះកែវ ទាហានប្រាណកងរយទី១២០៣ នៅយប់ ថ្ងៃទី ២២ នោះ សហការ ចេញល្បាត និងឃ្លាំមើល ក្នុងភូមិសាស្ត្រទទួលខុសត្រូវ បានប្រទះឃើញពលករខ្មែរចំនួន១០នាក់ ក្នុងនោះប្រុស៤ ស្រី៣ និងក្មេង៣នាក់ទៀត ពេលដែលកំពង់ដើរ នៅបរិវេណភូមិទ័ពសៀម ឃុំតាព្រះយ៉ា ស្រុកតាព្រះយ៉ា ខេត្តស្រះកែវ ទើបចូលទៅត្រួតពិនិត្យជំហ៊ានដំបូង មិនមានឯកសារបញ្ជាក់អត្តសញ្ញាណ ក្រោយសមត្ថកិច្ចថៃត្រួតពិនិត្យបានឲ្យដឹងថា ពលករខ្មែរខាងលើ ព្យាយាមលួចឆ្លងដែនចូលមកប្រទេសថៃ ដើម្បីស៊ីឈ្នួលក្នុងប្រទេសថៃ ទើបសមត្ថកិច្ចនាំខ្លួនមកសួរចម្លើយបន្ថែម នៅទីបញ្ជារការកងរយទី១២០៣ និងបញ្ជូនបន្តទៅឲ្យជំនាញ ដើម្បីចាត់ការតាមច្បាប់៕
ដោយ ៖ វ៉ាន់ ណាង
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៦ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ