សន្តិសុខសង្គម

ឆេះកុដិមួយទាំងព្រឹក ខណៈពេលលោកនិមន្តចេញទៅបិណ្ឌបាត

បានផុស

៥ years មុន

នៅ

ថ្ងៃព្រហស្បតិ៍ ២០ មករា ២០២២

ដោយ

កុដិព្រះសង្ឃមួយខ្នង ដែលសង់ឡើងអំពីថ្ម ត្រូវបានអគ្គិភ័យឆាបឆេះទាំងព្រឹកគ្មានសល់ ខណៈដែលព្រះសង្ឃដែលគង់នៅក្នុងកុដិនេះ បាននិមន្តចេញទៅបិណ្ឌបាតនៅក្រៅទីអារាមអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ដែលបង្កឲ្យមានការភ្ញាក់ផ្អើលនេះបានកើតឡើង នៅថ្ងៃទី ២០ ខែមករា ឆ្នាំ ២០២២ វេលាម៉ោង ៩ និង ៣០ នាទីព្រឹក ស្ថិតនៅក្នុងវត្តអំពិលប្រាំដើម ក្នុងភូមិអំពិល ឃុំអំពិលប្រាំដើម ស្រុកបវេល ខេត្តបាត់ដំបង ។ ករណីអគ្គិភ័យ បណ្តាលឲ្យឆេះកុដិលោក០១បន្ទប់(ឆេះទាំងស្រុង) ទំហំ ៣.៥មx៥ម ធ្វើពីថ្ម ជញ្ជាំងឥដ្ឋ ដំបូលចាក់ប្លង់សេ របស់ព្រះសង្ឃព្រះនាម ជិន ទៀង ព្រះជន្ម ៥០វស្សា គង់នៅក្នុងភូមិ ឃុំកើតហេតុខាងលើ។

ក្រោយពេលពិនិត្យ និងសិក្សារួចមក សមត្ថកិច្ចបានសន្និដ្ឋានថា មូលហេតុគឺបណ្តាលមកពីឆ្លងចរន្តអគ្គិសនី (ព្រះសង្ឃមិននៅ និមន្តបិណ្ឌបាត)។ សម្ភារខូចខាតបើសរុបជាទឹកប្រាក់អស់ប្រមាណ ៣ លានរៀល ដោយភ្លាមៗនោះដែរ រថយន្តពន្លត់អគ្គិភ័យ បានចេញប្រតិបត្តិការ ពន្លត់មិនឲ្យឆេះរាលដាលបន្ត៕