សន្តិសុខសង្គម
អគ្គិភ័យលេបត្របាក់ផ្ទះពលរដ្ឋ១៣ខ្នងអស់ទាំងស្រុងនៅខណ្ឌជ្រោយចង្វា
លំនៅឋានចំនួនតូចធំ១៣ខ្នងផ្ទះ ដែលសុទ្ធសឹងជាសំណង់សាងសង់ឡើងពីឈើប្រក់សង្ក័សី ត្រូវបានអគ្គីភ័យឆាបឆេះបំផ្លាញអស់ហ្មត់គ្មានសល់ បង្កអោយមានការភ្ញាក់ផ្អើលកាលពីវេលាម៉ោង០១ និង៣០នាទីយប់ រំលងអាធ្រាត្រឈានចូលថ្ងៃទី២៤ ខែកុម្ភះ ឆ្នាំ២០២២ នៅចំណុចភូមិ៣ ផ្លូវមាត់ទន្លេ នៅជាប់ដេប៉ូទីមាន ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
តាមប្រភពព័ត៌មាន នៅកន្លែងកើតហេតុ បានអោយដឹងថា នៅមុនពេលកើតហេតុ គឺឃើញមានអណ្ដាតភ្លើងឆាបឆេះយ៉ាងសន្ធោសន្ធៅចេញពីផ្ទះស្នាក់នៅមួយខ្នងនៅខាងចុងគេ ដែលម្ចាស់បន្ទប់បិទទ្វារ ហើយនាំគ្នាទៅធ្វើការអស់ បង្កឱ្យក្លាយជាអណ្ដាតភ្លើងឆេះរាលដាលជាបន្តបន្ទាប់គ្នាកើតជាអណ្តាតភ្លើងយ៉ាងសន្ធោរសន្ធៅ លាយលំជាមួយផ្សែងហ៊ុយខ្មួរខ្មាញ់ ។
ភ្លាមៗ កម្លាំងអាជ្ញាធរមូលដ្ឋាន រួមទាំងរថយន្តពន្លត់អគ្គិភ័យមកពីតាមបណ្តាអង្គភាពពាក់ព័ន្ធ ជាច្រើនគ្រឿង បានចុះដល់ចំណុចកើតហេតុ និងបានធ្វើការអន្តរាគមន៍បាញ់ទឹកទប់ស្កាត់អណ្តាតភ្លើង ប៉ុន្តែទោះបីជាមានការខិតខំជួយអន្តរាគមន៍យ៉ាងណា ក៏អណ្តាតភ្លើងបានឆាបឆេះបំផ្លាញ លំនៅឋានអស់១៣ខ្នងផ្ទះទាំងស្រុងបាត់ទៅហើយ ព្រោះដោយសារលំនៅឋានដែលឆាបឆេះ ជាសំណង់សង់ឡើងពីឈើប្រក់សង្ក័សី ហើយសង់ជាប់គ្នាយ៉ាងរដឹក ដូច្នោះហើយ នៅពេលមានករណីអគ្គីភ័យកើតឡើង គឺងាយរហ័សនឹងឆាបឆេះរាលដាលគ្នាបំផុត ។
យ៉ាងណាមិញ ជុំវិញករណីនេះ មិនមានបណ្តាលអោយមានមនុស្សណាម្នាក់រងរបួស ឬប៉ះពាល់ដល់អាយុជីវិតឡើយ គឺខូចខាតតែផ្ទះសម្បែង និងទ្រព្យសម្បត្តិតែប៉ុណ្ណោះ។ ទន្ទឹមនឹងនោះដែរ លំនៅឋានដែលបានឆាបឆេះ គឺជាលំនៅឋានដែលបងប្អូនជនជាតិខ្មែរអ៊ិស្លាមរស់នៅ ។ គេក៏បានសង្គេតឃើញ បងប្អូនជនជាតិខ្មែរអ៊ិស្លាមដែលជាម្ចាស់ផ្ទះ និងបន្ទប់ នាំគ្នាអង្គុយទ្រហោយំសោក ដោយភាពសោកស្តាយ និងសោកសង្រែងយ៉ាងពន់ពេក ចំពោះការបាត់បង់ទីជម្រក និងទ្រព្យសម្បត្តិរបស់ខ្លួន ។
លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គីភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានអោយដឹងថា ក្នុងការអន្តរាគមន៍ សមត្ថកិច្ចប្រើប្រាស់រថយន្តពន្លត់អគ្គីភ័យអស់ចំនួន១៦គ្រឿង ទើបអាចគ្រប់គ្រងស្ថានការណ៍ បាន១០០ភាគរយ ដោយក្នុងនោះដែរ រថយន្តរបស់ខាងការិយល័យចំនួន០៣គ្រឿង ប្រើប្រាស់ទឹកអស់៧ឡាន និងរថយន្តក្រុមហ៊ុម OCIC ០៩គ្រឿង ប្រើទឹកអស់០៩ឡាន ។ លោកប្រធានការិយាល័យ បញ្ជាក់ថា ចំពោះមូលហេតុ នៃការឆាបឆេះ គឺបណ្តាលមកពីឆ្លងចរន្តអគ្គិសនី ៕
អត្ថបទ៖ លីហេង
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ