សន្តិសុខសង្គម
កម្លាំងជំនាញឃាត់ខ្លួនជនសង្ស័យម្នាក់ ករណីឆបោកតាមប្រព័ន្ធ Telegram
ជនសង្ស័យម្នាក់ត្រូវបានកម្លាំងនគរបាលប្រឆាំងបទល្មើសបច្ចេកវិទ្យានៃស្នងការដ្ឋាននគរបាលខេត្ត បន្ទាយមានជ័យ ធ្វើការឃាត់ខ្លួន ពាក់ព័ន្ធករណីឆបោកពលរដ្ឋតាមប្រព័ន្ធទំនាក់ទំនងTelegramកាលពីថ្ងៃទី១៦ ខែកុម្ភ: ឆ្នាំ២០២២កន្លងទៅ។
ការឃាត់ខ្លួននេះបានធ្វើឡើងកាលពីនៅរសៀលថ្ងៃទី២១ ខែកុម្ភៈ ឆ្នាំ២០២២ នៅភូមិមិត្តភាព សង្កាត់/ក្រុងប៉ោយប៉ែត ។
លោកវរសេនីយ៍ទោ សោម សារុន នាយការិយាល័យនគរបាលប្រឆាំងបទល្មើសបច្ចេកវិទ្យាបានឲ្យដឹងថា ជនសង្ស័យដែលសមត្ថកិច្ចឃាត់ខ្លួនមានឈ្មោះ យ៉ុម យ៉េន ភេទប្រុស អាយុ២៧ឆ្នាំ មានមុខរបរលក់ដូរ រស់នៅភូមិមិត្តភាព សង្កាត់/ក្រុងប៉ោយប៉ែត ខេត្តបន្ទាយមានជ័យ។ ចំណែកជនរងគ្រោះឈ្មោះ សូត្រ សុគន្ធរស់ ភេទប្រុស អាយុ៣៨ឆ្នាំ រស់នៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត។
សមត្ថកិច្ចបានបញ្ជាក់ថា មុនពេលឃាត់ខ្លួនកាលពីថ្ងៃទី១៦ ខែកុម្ភ: ឆ្នាំ២០២២កន្លងទៅ ជនសង្ស័យ និងបក្សពួកម្នាក់ទៀត បាននាំគ្នាទៅទិញស៊ីមថ្មីមួយ រួចបង្កើតគណនីតេឡេក្រាម ដាក់រូបអ្នកផ្សេង ក្នុងគោលបំណងបន្លំធ្វើជាម៉ូយដែលធ្លាប់រកស៊ីជាមួយជនរងគ្រោះឈ្មោះ ចែយក់ ហើយបានកម្មង់ទិញទំនិញ ជាច្រើនពីជនរងគ្រោះ ឲ្យផ្ញើទំនិញឲ្យមុន រួចមិនបានទូទាត់លុយឲ្យម្ចាស់ទំនិញវិញទេ ថែមទាំងទំនាក់ទំនងមិនបាន ។
ពាក់ព័ន្ធករណីខាងលើ លោកវរសេនីយ៍ឯក គង់ វិនឌី ស្នងការរងទទួលផែនការងារសន្តិសុខ បានមានប្រសាសន៍ថា ក្រោយទទួលបានបណ្តឹងពីជនរងគ្រោះ ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងសម្របសម្រួលពីឯកឧត្តម កើត វណ្ណារ៉េត ព្រះរាជអាជ្ញា អមសាលាដំបូងខេត្ត និងសហការជាមួយកម្លាំងអធិការដ្ឋាននគរបាលក្រុង ប៉ោយប៉ែត បានដឹកនាំកម្លាំងចុះស្រាវជ្រាវ រហូតឃាត់ខ្លួនជនសង្ស័យបានយកមកសួរនាំ ដោយជនសង្ស័យបានសារភាពថា ខ្លួនពិតជាបានប្រព្រឹត្តដូច្នោះមែន ព្រោះរវាងជនសង្ស័យនិងជនរងគ្រោះធ្លាប់មានទំនាស់ជាមួយគ្នា ក្នុងការរកស៊ីកន្លងមក។
ក្រោយសួរនាំ ជនសង្ស័យត្រូវបានកម្លាំងជំនាញកសាងសំណុំរឿងបញ្ជូនទៅតុលាការចាត់ការបន្តតាមផ្លូវច្បាប់៕
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ