កាត់ទោសជនជាតិចិនម្នាក់ នាំគ្រឿង​ញៀន​៧គីឡូក្រាមចូលកម្ពុជា

លោក ស៊ិន សុវណ្ណរ័ត្ន ចៅក្រមជំនុំជម្រះសាលាដំបូងរាជធានីភ្នំពេញ និងលោក សំ ឫទ្ធីវាសនា ជាតំណាងអយ្យការ នៅព្រឹកថ្ងៃទី២៩ ខែមិនា ឆ្នាំ២០២២ បានបើកសវនាការលើជនជាប់ចោទជនជាតិចិនម្នាក់ ឈ្មោះ ហ្វាន អ៉ី (FAN YI) ភេទប្រុស អាយុ៤៩ឆ្នាំ ស្រុកកំណើតនៅប្រទេសចិន កាន់លិខិត ឆ្លងដែនលេខ EJ4666319 មុនពេលចាប់ខ្លួនស្នាក់នៅផ្ទះជួលលេខ៤៨២BIS ផ្លូវទន្លរមេគង្គ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។ ជាប់ចោទពីបទផលិត ដឹកជញ្ជូន និងជួញដូរដោយខុសច្បាប់នូវសារធាតុញៀន ប្រមាណជិត៧គីឡូ (ឆ្លងកាត់កម្ពុជាទៅវៀតណាម)

ក្រោយពីបញ្ចប់សវនាការសួរដេញដោល លោកចៅក្រមសម្រេចកំណត់យកថ្ងៃទី៣០ ខែមីនា ឆ្នាំ២០២២ ស្អែកនេះ ដើម្បីធ្វើការប្រកាសសាលក្រម។

ការបង្រ្កាបករណីរក្សាទុក ជួញដូរគ្រឿងញៀនឆ្លងដែនតាមផ្លូវគោក នៅចំណុចបេនឡានអូរឬស្សី ផ្លូវលេខ១០៥ សង្កាត់បឹងព្រលិត ខណ្ឌ៧មករា និងបន្តឆែកឆេរលំនៅដ្ឋាន ផ្ទះលេខ៤៨២BIS ផ្លូវទន្លរមេគង្គ សង្កាត់ ជ្រោយចង្វារ ខណ្ឌជ្រោយចង្វារ រាជធានីភ្នំពេញ នៅថ្ងៃទី១២ ខែឧសភា ឆ្នាំ២០២១ ។

ក្នុងប្រតិបត្តិការនេះសមត្ថកិច្ចបានចាប់យកវត្ថុតាង 1. អ៊ិចស្តាស៊ី(MDMA) ទម្ងន់ 971.77ក្រាម(លាក់បង្កប់ក្នុងជើងកង្ហារបញ្ឍរ)។ 2. កេតាមីន(Ketamine) ទម្ងន់ 5 គីឡូ 578.95ក្រាម និង3. មេតំហ្វេតាមីន(ICE) 93.19 ក្រាម ចាប់យកវត្ថុតាងគ្រឿងញៀន សរុប 6 គីឡូ 643.91 ក្រាមសារធាតុផ្សំ(មិនច្បាស់ប្រភេទ) 12 គីឡូ 440 ក្រាម និង ១០កំប៉ុង ស្មើទម្ងន់ 1 គីឡូ៕

អត្ថបទ៖ មករា