សន្តិសុខសង្គម

ឃាត់ខ្លួន ឪពុកបង្កើតចាប់រំលោភកូនស្រី អាយុ ១០ ឆ្នាំ បានសម្រេចជាច្រើនដង ជាង ២ ឆ្នាំ

បានផុស

៤ years មុន

នៅ

ថ្ងៃព្រហស្បតិ៍ ៣១ មីនា ២០២២

ដោយ

បុរសជាឪពុក ត្រូវសមត្ថកិច្ចខេត្តឧត្តរមានជ័យ ធ្វើការឃាត់ខ្លួនតាមបណ្ដឹងរបស់ប្រពន្ធ ដែលត្រូវជាម្ដាយជនរងគ្រោះ ប្ដឹងពីបទចាប់រំលោភកូនស្រីបង្កើតអាយុទើបតែ ១០ ឆ្នាំប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្នងការខេត្តឧត្តរមានជ័យ លោក ហួត សុធី បានឲ្យដឹងថា នៅថ្ងៃទី ៣០ ខែមីនា ឆ្នាំ ២០២២ នេះ ត្រូវបានតុលាការសម្រេចឃុំខ្លួនជនសង្ស័យ ហើយដោយចោទប្រកាន់ពីបទ៖ រំលោភសេពសន្ថវៈមានស្ថានទម្ងន់ទោស ទាក់ទងនឹងជនរងគ្រោះ រួមភេទជាមួយអនីតិជនអាយុក្រោម ១៥ ឆ្នាំ និងអំពើហិង្សាប្រព្រឹត្តដោយសហព័ន្ធ ឬអនីតិសង្វាសជនបទ។

លោក ហួត សុធី បានបន្តថាកាលពីថ្ងៃទី ២៦ ខែមីនា ឆ្នាំ ២០២២ ក្រោយពីទទួលពាក្យបណ្ដឹងពីឈ្មោះ វ៉ៃ សាវ៉េត ភេទស្រី អាយុ ៣៥ ឆ្នាំ រស់នៅស្រុកត្រពាំងប្រាសាទ ខេត្តឧត្តរមានជ័យ (ត្រូវជាម្ដាយជនរងគ្រោះ) ថាមានកើតករណីរំលោភសេពសន្ថវៈ មកលើកូនរបស់ខ្លួន និងប្រើហិង្សាដោយចេតនា។

លោកបន្តថាក្រោយពីទទួលព័ត៌មាន លោកបានចាត់កម្លាំងការិយាល័យជំនាញ សហការជាមួយនគរបាលស្រុកត្រពាំងប្រាសាទ ធ្វើការស្រាវជ្រាវឃាត់ខ្លួនតែម្ដង។ ជនសង្ស័យឈ្មោះ ផល ភា ភេទប្រុស អាយុ ៣៣ ឆ្នាំ ទៅជាឪពុកបង្កើតជនរងគ្រោះ ដែលបានធ្វើសកម្មភាពរំលោភសេពសន្ថវៈ ទៅលើជនរងគ្រោះ ត្រូវជាកូនស្រីរបស់ខ្លួន ឈ្មោះ ភ.ប.ញ ភេទស្រី អាយុ ១០ ឆ្នាំ ក្នុងអំឡុងឆ្នាំ ២០២១ និងអំឡុងខែមីនា ឆ្នាំ ២០២២ បានសម្រេចជាច្រើនលើក។

ជនសង្ស័យបានឆ្លើយសារភាពនៅចំពោះមុខសមត្ថកិច្ចថា រូបខ្លួនពិតជាបានធ្វើសកម្មភាព រំលោភសេពសន្ថវៈ ទៅលើកូនស្រី បានសម្រេចជាច្រើនដងពិតប្រាកដមែន៕

អត្ថបទ៖ ចាន់ ធី

Related Topics:រំលោភសេពសន្ថវៈ