សន្តិសុខសង្គម

ពូរំលោភក្មួយស្រីវ័យ៥ឆ្នាំ ត្រូវកម្លាំងនគរបាលស្រុកវ៉ារិន ឃាត់ខ្លួន

បានផុស

៤ years មុន

នៅ

ថ្ងៃព្រហស្បតិ៍ ២ មិថុនា ២០២២

ដោយ

សៀមរាប ៖ សមត្ថកិច្ចបានឲ្យដឹងថា ជនសង្ស័យម្នាក់ត្រូវបានកម្លាំងនគរបាលស្រុកវ៉ារិន ឃាត់ខ្លួនពាក់ព័ន្ធនឹងករណីបៀតបៀនកេរខ្មាស(ផ្លូវភេទ)ទៅលើក្មេងស្រីវ័យ ទើបតែ៥ឆ្នាំ។

ហេតុការណ៍នេះ បានកើតឡើងនៅវេលាម៉ោង ១៤និង៣០ នាទីថ្ងៃទី០១ខែមិថុនា ឆ្នាំ២០២២ភូមិល្វា ឃុំស្រែណូយ ស្រុកវ៉ារិនខេត្តសៀមរាប។

សមត្ថកិច្ចបន្តថា នៅថ្ងៃកើតហេតុ ម្តាយជនរងគ្រោះ មានទីលំនៅ ក្នុងឃុំស្រែណូយ ស្រុកវ៉ារិន ខេត្តសៀមរាប បានមករាយការណ៍ដល់សមត្ថកិច្ចថាមានឈ្មោះ មីង ពណ្ណារាយ ភេទប្រុស អាយុ២៦ឆ្នាំមានទីលំនៅដូចគ្នា(ត្រូវប្អូនថ្លៃ) មកអង្គុយផឹកស្រានៅផ្ទះរបស់គាត់ហើយបានជិះម៉ូតូនាំកូនស្រីគាត់ឈ្មោះ ភ. ស.ម អាយុ៥ឆ្នាំ បាននិយាយប្រាប់កូនស្រីគាត់ថា ទៅមើលទូរសព្ទឯផ្ទះរបស់ខ្លួន បានប្រហែលមួយម៉ោងក៏យកកូនគាត់ត្រឡប់មកវិញ ពេលមកដល់កូនរបស់គាត់និយាយប្រាប់ថា ឈឺប៉ុមពឺតបីទៅបួនដង(ឈឺប្រដាប់ភេទ)តែរូបគាត់ពុំចាប់អារម្មណ៍លុះដល់គាត់ងូតទឹកអោយកូន កូនស្រីគាត់យំប្រាប់ថាផ្សារប៉ុមពឺត(ប្រដាប់ភេទ) គាត់បានសួរថា អ្នកណាធ្វើអីកូន កូនគាត់ប្រាប់ថាពូរាយ (មីង ពណ្ណារាយ)លូកខ្វះ ប៉ុមពឺត។ បន្ទាប់មកគាត់ក៏មករាយការណ៍ដល់សមត្ថកិច្ចតែម្តង។

ក្រោយទទួលបានបណ្តឹងខាងលើផ្នែកជំនាញព្រហ្មទណ្ឌ សហការជាមួយប៉ុស្តិ៍នគរបាលរដ្ឋបាលស្រែណូយ ចុះដល់កន្លែងកើតហេតុនិងនាំជនសង្ស័យមកធ្វើការសាកសួរបានឆ្លើយសារភាពថា ខ្លួនពិតជាបានប្រព្រឹត្តសកម្មភាពយកម្រាមដៃខ្លួនលូកខ្វេះប្រដាប់ភេទក្មេងស្រីខាងលើពិតប្រាកដមែន មូលហេតុដោយរូបគេមើលវីដេអូរ អាសអាភាសក៏ចង់អនុវត្តតាមផ្ទាល់។

បច្ចុប្បន្នកម្លាំងនគរបាលជំនាញស្រុកវ៉ារិន កំពុងរៀបចំសំណុំរឿងបញ្ជូនជនសង្ស័យខាងលើទៅលើតុលាការដើម្បីចាត់ការតាមផ្លូវច្បាប់៕

ដោយ ៖ កុសល