Connect with us

សន្តិសុខសង្គម

ផ្ដន្ទាទោស​បុរស​ចិន​ដាក់ពន្ធនាគារ​២៥​ឆ្នាំ រឿង​ជួញ​ដូរគ្រឿងញៀន

បានផុស

នៅ

ភ្នំពេញ ៖ ចៅក្រម​ជំនុំជម្រះ​សាលាដំបូង​រាជធានី​ភ្នំពេញ នៅ​ថ្ងៃទី​២២ ខែមិថុនា​ឆ្នាំ​២០២២ បានសម្រេច​ធ្វើការ​ប្រកាស​សាលក្រម​ផ្តន្ទាទោស​លើ​ឈ្មោះ CHEN KEXI ភេទ​ប្រុស ជនជាតិ​ចិន កើត​១៩៨១ កាន់​លិខិតឆ្លងដែន​លេខ EB2396631 ស្នាក់​នៅក្នុង​បន្ទប់ ២០៥ អា​ផាត់​មិន​វិ​មា​ឯករាជ្យ ផ្លូវ​១២៤ សង្កាត់​លេខ​៣ ក្រុង​-​ខេត្ត​ព្រះសីហនុ ដាក់​ពន្ធនាគារ​ចំនួន​២៥​ឆ្នាំ ពិន័យ​៥០​លាន​រៀល​បង់​ចូល​ថវិកា​រដ្ឋ ក្រោម​ការចោទប្រកាន់​ពីបទ ដឹកជញ្ជូន និង​ជួញដូរ​ដោយ​ខុសច្បាប់​នូវ​សារធាតុ​ញៀន។

កាលពី​ថ្ងៃ​ទី​២៧ ខែវិច្ឆិកា ឆ្នាំ​២០២០ កម្លាំង​ជំនាញ​បាន​បើក​ការស្រាវជ្រាវ កំណត់​បាន​មុខសញ្ញា​មេខ្លោង​ម្នាក់​ឈ្មោះ CHEN KEXI ភេទ​ប្រុស ជនជាតិ​ចិន កើត​១៩៨១ កាន់​លិខិតឆ្លងដែន​លេខ EB2396631 ស្នាក់​នៅក្នុង​បន្ទប់ ២០៥ អា​ផាត់​មិន​វិ​មា​ឯករាជ្យ ផ្លូវ​១២៤ សង្កាត់​លេខ​៣ ក្រុង​-​ខេត្ត​ព្រះសីហនុ និង​ចាប់យក​វត្ថុតាង​បាន គ្រឿងញៀន​ប្រភេទ​មេ​តំ​ហ្វេ​តា​មីន (ICE) ទម្ងន់ ១២០.២៧​ក្រាម បន្ថែមទៀត ដោយ​លាក់​បង្កប់​ក្នុង​ចម្លាក់​ឈើ រូប​ដំរី​ចំនួន​២ និង​ដំបង​ឈើ ២​កំណាត់ ៣​គូ​។

ជនជាប់ចោទ​ត្រូវបាន​ចៅក្រម​ស៊ើបសួរ​សាលាដំបូង​រាជធានី​ភ្នំពេញ​សម្រេច​ឃុំខ្លួន​ដាក់ពន្ធនាគារ កាលពី​ថ្ងៃទី​១១​ខែមករា​ឆ្នាំ​២០២១៕

ដោយ ៖ មករា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម