សន្តិសុខសង្គម

កម្មករសំណង់ម្នាក់ស្លាប់ ខណៈសាកថ្មទូរស័ព្ទមិនប្រុងប្រយ័ត្ន

បានផុស

៤ years មុន

នៅ

ថ្ងៃចន្ទ ៨ សីហា ២០២២

ដោយ

បុរសកម្មករសំណង់ម្នាក់ បានដើរទៅយកទូរស័ព្ទដែលកំពុងសាកថ្ម ក្នុងការដ្ឋានស្ថានីយលក់សាំង ១ កន្លែងដោយមិនបានប្រុងប្រយ័ត្នបណ្តាលឲ្យឆក់ស្លាប់ ខណៈបញ្ជូនដល់មន្ទីរពេទ្យ។ ហេតុការណ៍នេះបានកើតឡើងនៅវេលាម៉ោង ១៧:១៥ នាទី កាលពីថ្ងៃទី០៧ ខែសីហា ឆ្នាំ ២០២២ ស្ថិតនៅភូមិ ទក្សិណត្បូង សង្កាត់គោកចក ក្រុងសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា សាកសពកម្មករសំណង់នោះមានឈ្មោះ ណេប់ ភាណិត ភេទប្រុស អាយុ ២៣ ឆ្នាំ មុខរបរកម្មករសំណល់ មានទីលំនៅស្ថិតនៅភូមិ គោកឫស្សី ឃុំកែវពណ៌ ស្រុកពួក។ សមត្ថកិច្ចបន្តថា តាមការបំភ្លឺរបស់ឈ្មោះ ព្រះ ស្រី ភេទប្រុស អាយុ ២៦ ឆ្នាំ មុខរបរកម្មករ និងឈ្មោះ ហ៊ុន ហ៊ាប ភេទប្រុស អាយុ៣៩ ឆ្នាំ មុខរបរមេការសំណង់ បានរៀបរាប់ប្រហាក់ប្រហែលគ្នាថា វេលាម៉ោង ១៦ និង ០០ នាទីកាលពីថ្ងៃទី ០៧ ខែសីហា ឆ្នាំ ២០២២ ខ្លួននិងកម្មករផ្សេងទៀតបានកំពុងធ្វើការងារ ភា្លមនោះមេឃចាប់ផ្តើមធ្លាក់ភ្លៀងក៏នាំគ្នាសម្រាកនៅក្នុងការដ្ឋាន ក៏ស្រាប់តែមានកម្មករម្នាក់ឈ្មោះ ណេប់ ភាណិត (សព) បានយកទូរស័ព្ទរបស់គាត់ទៅសាកថ្ម នៅចំណុចជាប់និងជញ្ជាំងរបងផ្ទះ ក្នុងការដ្ឋានដោយដោតសាកថ្មទុកចោលនៅទីនោះរួចគាត់ទៅធ្វើការងារ របស់គាត់វិញ។ មួយសន្ទុះគាត់បានដើរទៅយកទូរស័ព្ទគាត់នៅកន្លែងសាកថ្មខាងលើ ដោយខ្លួនរបស់គាត់សើម និងពុំមានពាក់ស្បែកជើង ពេលដែលគាត់បានចាប់យកទូរស័ព្ទរបស់គាត់ក៏ស្រាប់តែ ឆក់ជាប់ភ្លាមៗ នោះមេជាងបានរត់ទៅទាញបិទកុងតាក់អគ្គិសនី ហើយនាំគ្នាជួយសង្គ្រោះបឋម និងទាក់ទងទៅរថយន្តសង្គ្រោះបន្ទាន់ យកទៅសង្គោះនៅមន្ទីរពេទ្យមួយកន្លែងតាមបណ្តោយផ្លូវ៣០ម៉ែត្រតែត្រូវបានស្លាប់ពេលបញ្ជូនដល់មន្ទីរពេទ្យ។ ក្រោយកើតហេតុ ក៏បានប្រគល់សពជូនក្រុមគ្រួសារហើយគាត់បានទទួលស្គាល់ថា សពពិតជាស្លាប់ដោយសារឆក់ខ្សែភ្លើងដោយខ្លួនឯងពិតប្រាកដមែន។

សមត្ថកិច្ចបញ្ជាក់ថា យោងតាមការបំភ្លឺពីសាក្សី ការពិនិត្យកន្លែងកើតហេតុ និងការពិនិត្យសាកសព គឺស្លាប់ដោយសារឆក់ខ្សែភ្លើង ពិតប្រាកដមែន។ បច្ចុប្បន្នសពជនរងគ្រោះ ត្រូវបានសមត្ថកិច្ចប្រគល់ជូនក្រុមគ្រួសារ ដើម្បីធ្វើបុណ្យតាមប្រពៃណី៕

អត្ថបទ៖ កុសល

Related Topics:ឆក់ខ្សែភ្លើង