សន្តិសុខសង្គម
កំណាត់ផ្លូវជាតិលេខ៦ នៅក្នុងភូមិសាស្ត្រស្រុកស្ទោងស្រកជិតអស់ហើយ នៅលិចដោយដុំសរុបជាង៥០០ម៉ែត្រ
កំពង់ធំ ៖ លោក សាយ គឹមឡម អភិបាលស្រុកស្ទោង បញ្ជាក់ថា ជំនន់ទឹកភ្លៀងបានចាប់ផ្តើមលិចផ្លូវជាតិលេខ៦ ជាងមួយសប្តាហ៍មកហើយ ដែលរហូតដល់ថ្ងៃទី២៩ ខែកញ្ញា ឆ្នាំ២០២២, ជំនន់ទឹកបានស្រកទៅវិញ នៅសល់លិចដោយដុំសរុបរួមប្រមាណជាង៥០០ម៉ែត្រ ដែលធ្វើឲ្យប្រជាពលរដ្ឋអាចធ្វើដំណើរបានលឿន និងស្រួលជាងមុន។
ការប៉ះពាល់លើរស់នៅ នឹងប្រកបអាជីវកម្មរបស់ប្រជាពលរដ្ឋនៅតាមដងផ្លូវ នៅមានផលរំខាននៅឡើយ ដោយសារតែទឹកមិនទាន់ស្រកផុតពីតាមតូប ឬផ្ទះរបស់ពួកគាត់ទេ។ ចំពោះរថយន្តដឹកទំនិញ នៅផ្អាកចរាចរណ៍ដដែល។ រថយន្តធុនធំ ដែលដឹកធ្ងន់អាចធ្វើដំណើរបានលុះត្រាតែ មានសេចក្តីជូនដំណឹងពីមន្ទីរសាធារណៈការ និងដឹកជញ្ជូនខេត្តកំពង់ធំ ក្រោយពេលទឹកស្រកចុះអស់ពីផ្លូវ ព្រោះមន្ទីរជំនាញ គឺជាអ្នកបច្ចេកទេស និងវាយតម្លៃបានពីការដឹកទំនិញ ដែលមានទម្ងន់ធ្ងន់ ហើយមិនប៉ះពាល់ដល់ផ្លូវ សំខាន់មួយនេះ។
ស្របពេលជាមួយគ្នានេះផងដែរ អាជ្ញាធរស្រុក ក៏កំពុងយកចិត្តទុកដាក់យ៉ាងខ្លាំង ក្នុងសកម្មភាពជួយទ្រទ្រង់ជីវភាពរបស់ប្រជាពលរដ្ឋ នៅមូលដ្ឋាន ជាពិសេសប្រជាពលរដ្ឋដែលរស់នៅតំបន់ងាយរងគ្រោះ។
គួរបញ្ជាក់ថា គិតមកដល់ថ្ងៃនេះ នៅក្នុងភូមិសាស្ត្រស្រុកស្ទោងរងផលប៉ះពាល់ប្រជាពលរដ្ឋ ចំនួន៥២ភូមិ លើ៨ឃុំ ស្មើនិង៥,៨៩២គ្រួសារ លិចក្រោមផ្ទះចំនួន៤,៦២៦ខ្នងផ្ទះ, លិចដីកសិកម្មសរុបចំនួន៣,៦៧៨ហិកតា, លិចផ្លូវ៣៧ខ្សែរ ក្នុងនោះមាន ផ្លូវជាតិលេខ៦, ផ្លូវកៅស៊ូឃុំ ១,១០០ម៉ែត្រ, ផ្លូវគ្រួសក្រហម ៣,៣៥១៨ម៉ែត្រ, ផ្លូវដីស៤០៧៩ម៉ែត្រ, លិចទីធ្លាវត្តអារាមចំនួន៧វត្ត, លិចទីធ្លាសាលារៀនចំនួន១៧សាលា, លិចទីធ្លាមណ្ឌលសុខភាព២មណ្ឌល៕
អត្ថបទ ៖ ឈាង មករា
-
ព័ត៌មានអន្ដរជាតិ២ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៦ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៥ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ១ សប្តាហ៍ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
សន្តិសុខសង្គម១ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ១ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានអន្ដរជាតិ១ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
ព័ត៌មានជាតិ៣ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត