Connect with us

សន្តិសុខសង្គម

បញ្ចប់ប្រតិបត្តិការ​រុករកជនជាតិចិន​ដែលបានបាត់ខ្លួន​ក្នុងហេតុការណ៍លិចទូកនៅកោះតាង​​ក្រោយរកឃើញជនរងគ្រោះទាំងអស់

បានផុស

នៅ

ប្រតិបត្តិការស្វែងរកជនជាតិចិន​ដែលបានបាត់ខ្លួន ក្នុងហេតុការណ៍លិចទូក​នៅកោះតាង សមុទ្រ​កម្ពុជា បានបញ្ចប់​ទាំងស្រុង បន្ទាប់ពីរកឃើញសាកសព ១១ នាក់ និងសង្គ្រោះបាន៣០ នាក់។

របាយការណ៍របស់សមត្ថកិច្ច​បញ្ជាក់ថា ជនរងគ្រោះទាំង ៤១ នាក់រកឃើញអស់ហើយ ក្នុងនោះ​នៅ​រស់ ៣០ នាក់ និងស្លាប់បាត់បង់ជីវិត ១១ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​របាយការណ៍របស់សមត្ថកិច្ចបង្ហាញថា ករណីលិចទូក០១គ្រឿង​ដែលដឹកជនជាតិចិន​ឆ្លងដែន​ខុសច្បាប់ចូល​មកកម្ពុជាតាមផ្លូវទឹក កាលពីថ្ងៃទី២២ ខែកញ្ញា ២០២២នេះរួមមាន៖

នៅថ្ងៃទី១១ ខែកញ្ញា ឆ្នាំ២០២២ មានជនជាតិចិនចំនួន ៤១នាក់ ស្រី០៣នាក់ បានធ្វើដំណើរ​ពីប្រទេស​ចិន (កំពង់ផែក្វាងចូវ) មកប្រទេសកម្ពុជាតាមរយៈកប៉ាល់០១គ្រឿង​រហូតមកនៅថ្ងៃទី១៧ ខែកញ្ញា ឆ្នាំ២០២២ពួកគេបានមកដល់សមុទ្រអន្តរជាតិ​ហើយពូកគេត្រូវបានផ្ទេរ​ឲ្យទៅជិះទូកឈើ​វិញ​ដើម្បីឆ្លងចូលមកកម្ពុជាដោយមានតៃកុងជាជនជាតិខ្មែរ ០២នាក់ លុះដល់ថ្ងៃទី ២២ ខែកញ្ញា ឆ្នាំ២០២២ ទូកឈើនោះក៏បានជ្រាបទឹកចូលក្នុងទូក រហូតដល់ជិតលិចទាំងស្រុងពេលនោះ​ក៏មានទូក​នេសាទ០១គ្រឿងប្រភេទទូកអូសពណ៍ប៉ៃតងបានមកយកតៃកុងទូក០២នាក់​ជាជនជាតិ​ខ្មែរ​ទៅបាត់ទុកតែពួកគេនៅលើទូកដែលជិតលិចនោះនៅកណ្តាលសមុទ្រ រហូតមកដល់​វេលាម៉ោង​ប្រមាណ ១១ ​ថ្ងៃដដែល​ទូកនោះក៏បានលិចចូលសមុទ្រ​ពេលនោះមានអូប័រ​របស់នគរបាល​ការពារ​ព្រំដែន​ទឹកចំនួន០១គ្រឿងបានទៅជួយស្រង់យកមនុស្សបានចំនួន ១៨នាក់នៅចំណុច ក៏បានបញ្ជូនមក​ទីស្នាក់​ការនគោលបាលការពារព្រំដែនទឹក(កោះព្រាប)។

ចំណែកជនរងគ្រោះផ្សេងទៀតត្រូវបានគេរកឃើញដូចខាងក្រោមៈ

-នៅថ្ងៃទី ២៣ ខែកញ្ញា ឆ្នាំ២០២២ នៅវេលាម៉ោង ១០:៣០នាទីព្រឹក ប្រជានេសាទបានរកឃើញជនជាតិចិនចំនួន ០២នាក់ ប្រុស ០១នាក់ ស្រី០១នាក់ (ស្លាប់ស្រី) ។

-នៅវេលាម៉ោង ០០ :៣០ នាទី ប្រទេសវៀតណាមបានផ្តល់ព័ត៍មានមកថាពួកគេបានជួយសង្គ្រោះ ជនជាតិ ចិន ដែលជួបឧប្បត្តិហេតុលិចទូកនៅកម្ពុជាបាន មនុស្សចំនួន ០៩នាក់ ក្នុង នោះ មាន០៨ នាក់ កំពុង ស្ថិត នៅក្នុង កងការពារ ព្រំដែន អានថឺយ (biên phòng An thời) និង០១ កំពុង ជួយសង្គ្រោះ បន្ទាន់ នៅ មន្ទីរ យឿង ដុង(Duong đông)។

-នៅវេលាម៉ោង ១៣:៣០នាទីនៅថ្ងៃខែឆ្នាំដដែរ ប្រជានេសាទកម្ពុជាបានប្រទះឃើញជនជាតិចិន អណ្តែតលើទឹកចំនួន ០២នាក់ទៀត ប្រុស០១នាក់ ស្រី០១នាក់ នៅរស់ទាំងអស់ក៏បានបញ្ជូនមកដល់ខេត្តព្រះសីហនុ។

-នៅថ្ងៃទី ២៤ ខែកញ្ញា ឆ្នាំ២០២២ ក្រុមអូប័រល្បឿនលឿនរបស់លោកឧញ្ញ៉ា ទៀ វិចិត្រក៏បានប្រទះឃើញសាកសពជនជាតិចិនចំនួន០២នាក់ ត្រូវបានអណ្តែតនៅលើសមុទ្រត្រង់ចំណុច (១០°១៨’០៣២”N.១០៣°៣៦’៦៦៤”E) ។

-នៅវេលាម៉ោង១០:០០នាទី ថ្ងៃទី២៩ ខែកញ្ញា ឆ្នាំ២០២២ ខាង វៀតណាម បានប្រទះឃើញ សាកសព ចំនួន ០៦នាក់និងនៅវេលាម៉ោង១៦ៈ៣០នាទីប្រទះឃើញចំនួន០២នាក់ទៀត បានអណ្ដែត មកដល់ឆ្នេរ ត្រង់ចំណុចឆ្នេរសមុទ្រ កោះ ត្រល់ ( Phu Quoc)

សរុបខាងវៀតណាមបានរកឃើញចំនួន១៧នាក់ នៅរស់០៩នាក់ (ប្រុស) និងស្លាប់០៨នាក់ (ស្រី០១នាក់)។

+ប្រតិបត្តិការនៃការរុករកជនជាតិចិនដែលបានបាត់ខ្លួននេះមានការចូលរួមពី:

-នាវារបស់កងទ័ពជើងទឹកមូលដ្ឋានសមុទ្រចំនួន០២គ្រឿង។

-អូប័ររបស់នរគបាលការពារព្រំដែនទឹក០២គ្រឿង និង កប៉ាល់០២គ្រឿង ។

-អូប័រល្បឿនលឿនរបស់លោក ឧកញ៉ា ទៀ វិចិត្រ ចំនួន០៥គ្រឿង។

+ជនរងគ្រោះទាំង ៤១នាក់នោះ បច្ចុប្បន្នរកឃើញអស់ហើយក្នុងនោះ

-នៅរស់៣០នាក់ (ស្រី០១)

-ស្លាប់ ១១ នាក់ (ស្រី០២)៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម