សន្តិសុខសង្គម

គ្រោះថ្នាក់ចរាចរណ៍រវាងរថយន្តដឹកដី ជាមួយរថយន្តព្រូស បណ្ដាលឲ្យស្លាប់មនុស្ស៣នាក់

បានផុស

៣ years មុន

នៅ

ថ្ងៃសុក្រ ៧ តុលា ២០២២

ដោយ

បាត់ដំបង ៖ យ៉ាងហោចណាស់មានមនុស្សចំនួន៣នាក់ បានស្លាប់ភ្លាមៗនៅនឹងកន្លែងកើតហេតុ យ៉ាងអាណោចអាធ័ម ក្នុងករណីគ្រោះថ្នាក់ចរាចរណ៍ រវាងរថយន្តដឹកដី ប៉ះជាមួយរថយន្តព្រូស។

គ្រោះថ្នាក់ចរាចរណ៍ដ៏រន្ធត់នេះ បានកើតឡើងនៅលើផ្លូវហាយវេ កាលពីវេលាម៉ោង៤ និង ១០ នាទី ថ្ងៃទី៧ ខែតុលា ឆ្នាំ២០២២ ស្ថិតលើផ្លូវខ្វែង ក្នុងភូមិកំពង់ពិល ឃុំវត្តតាមិម ស្រុកសង្កែ ខេត្តបាត់ដំបង រវាងឡានដឹកដីនឹងឡានព្រូស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានបានឲ្យដឹងថា រថយន្តដឹកដីបានបើកបរចុះពីលើស្ពានឆ្លងស្ទឹងសង្កែ តាមបណ្តោយផ្លូវហាយវេ ក៏បះជាមួយរថយន្តព្រូស ហើយអូសទៅមុខរាប់សិបម៉ែត្រ បណ្តាលអោយមនុស្ស៣នាក់បានបាត់បង់ជីវិតភ្លាមៗជាប់ក្នុងឡាន តែម្តង។

ខណៈនោះដែរ សមត្ថកិច្ចបានទាញសាកសព ចេញបានម្នាក់ហើយ នៅសព២នាក់ទៀតជាប់នៅក្នុងរថយន្តដោយមិនអាចយកចេញបានឡើយ ចំណែកតៃកុងឡានធំ រត់គេចខ្លួនបាត់ស្រមោល។ ដោយឡែកសម្រាប់អត្តសញ្ញាណសព គេគ្រាន់តែដឹងថា មានម្នាក់គឺជាបុគ្គលិកក្រុមហ៊ុនទូរស័ព្ទចល័តមួយក្នុងខេត្តបាត់ដំបង តែប៉ុណ្ណោះ៕

អត្ថបទ ៖ សោ និយមរ័ត្ន