សន្តិសុខសង្គម
ក្មេងស្រីម្នាក់បានស្លាប់ និងបីនាក់ផ្សេងទៀតជួយសង្គ្រោះ ក្រោយពីចេញពីសាលារៀននាំគ្នាលេងទឹកតាមផ្លូវ
កំពង់ធំ ៖ ក្មេងស្រី៤នាក់ជាសិស្សសាលា នៅសាលាអនុវិទ្យាល័យពាមគ្រែង ចេញពីសាលារៀននាំគ្នាលេងទឹក បណ្តាលឲ្យលង់ស្លាប់ម្នាក់ និងបីនាក់ទៀតត្រូវបានប្រជាពលរដ្ឋជួយសង្គ្រោះទាន់ពេល។
តាមរបាយការណ៍របស់លោក លៀង កែវ នាយប៉ុស្តិ៍នគរបាលរដ្ឋបាលឃុំ ក្តីដូងស្រុកកំពង់ស្វាយ ខេត្តកំពង់ធំ បានបញ្ជាក់ថា នៅព្រឹកថ្ងៃទី០៧ ខែតុលា ឆ្នាំ២០២២ មានករណីក្មេងជាសិស្សសាលាអនុវិទ្យាល័យពាមគ្រែង ចេញពីសាលារៀនត្រូវបានលង់ទឹកស្លាប់។ លោកបញ្ជាក់ថា ពេលចេញពីរៀនវិញនៅវេលាម៉ោង១០:៣០ នាទី ក្មេងៗមួយចំនួន បាននាំគ្នាទៅលេងទឹកតាមផ្លូវ ស្របពេលនោះដែរមានក្មេងស្រីចំនួន០៤នាក់ នៅលេងដាច់ឆ្ងាយពីក្មេងផ្សេងទៀត។ លុះដល់ត្រង់ចំណុចតំបន់កោះតាហែម ស្ថិតនៅភូមិអូរសំបួរ ឃុំក្តីដូង ស្រុកកំពង់ស្វាយ នាំលេងចំកន្លែងទឹកហូរដាច់ផ្លូវ ក៏រអិលជើងទាំងបួននាក់ចូលកន្លែងទឹកជ្រៅ ហើយហូរទាំងបួននាក់តែម្តង ឃើញដូចនេះប្រជាពលរដ្ឋនៅក្បែរនោះនាំគ្នា ជួយសង្គ្រោះបានបីនាក់ភ្លាមៗ និងម្នាក់ទៀតបាត់ខ្លួនរកមិនឃើញ។ ប្រភពដដែលបញ្ជាក់ថា ប្រជាពលរដ្ឋជាច្រើន ខិតបើកកាណូតរាវរក រហូតម៉ោង ១១:៣០នាទី ទើបរកឃើញសព។
ប្រភពសមត្ថកិច្ចបញ្ជាក់ថា ក្មេងលង់ទឹកស្លាប់នោះមានឈ្មោះ ចក់ កញ្ញា ភេទស្រី អាយុ១៦ឆ្នាំ រស់នៅភូមិកំពង់គោលើ ឃុំកំពង់គោ ស្រុកកំពង់ស្វាយ ខេត្តកំពង់ធំ ជាសិស្សសាលាអនុវិទ្យាល័យពាមគ្រែង។
ក្រោយការពិនិត្យសពរបស់សមត្ថកិច្ចរួចមក សង្កេតឃើញថាសពក្មេងស្រីនេះពិតជាលង់ទឹកពិតប្រាកដមែន សមត្ថកិច្ចក៏បានប្រគល់សពជូនគ្រួសារយកទៅធ្វើបុណ្យតាមប្រពៃណី។
លោកនាយប៉ុស្តិ៍សំណូមពរ សម្រាប់បងប្អូនប្រជាពលរដ្ឋដែលរស់នៅតាមដងស្ទឹងសែន សូមមេត្តាប្រុងប្រយ័ត្នចំពោះក្មេងតូចៗព្រោះទឹកស្ទឹងសែននៅតែបន្តឡើង ដើម្បីការពារដល់អាយុជីវិតផងដែរ៕
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ