Connect with us

សន្តិសុខសង្គម

ចាប់ខ្លួនក្រុមកាប់ប្លន់ក្នុងភូមិសាស្ដ្រស្រុកបាទី ៣នាក់ដកហូតម៉ូតូ៤គ្រឿង និងស្លាកលេខមួយចំនួន

បានផុស

នៅ

ក្រុមជនសង្ស័យ៣នាក់ដែលជាមុខសញ្ញាកាប់ប្លន់ម៉ូតូពលរដ្ឋតាមបណ្ដោយផ្លូវជាតិលេខ៣ ក្នុងភូមិសាស្ត្រស្រុកបាទី ស្រុកសំរោង និងស្រុកត្រាំកក់ ខេត្តតាកែវ ត្រូវបានកម្លាំងជំនាញ នៃអធិការដ្ឋាននគរបាលស្រុកបាទី ធ្វើការស្រាវជ្រាវឃាត់ខ្លួនបានជាបន្តបន្ទាប់ និងដកហូតម៉ូតូបាន៤គ្រឿង ព្រមទាំងស្លាកលេខមួយចំនួន។

ប្រតិបត្តិការឃាត់ខ្លួននេះ បានធ្វើឡើងកាលពីថ្ងៃទី២៣ ខែតុលា ឆ្នាំ២០២២ នៅចំណុច ឃុំកុមារាជា ស្រុកបាទី ខេត្តតាកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់ស្នងការនគរបាលខេត្តតាកែវ បានឲ្យដឹងថា ជនសងសង្ស័យទាំង៣នាក់មានឈ្មោះ រ៉េត ចិត្រា ភេទប្រុស អាយុ១៧ឆ្នាំ នៅភូមិច្បារមន ឃុំកុមារាជា ស្រុកបាទី ខេត្តតាកែវ។ ទី២/.ឈ្មោះ វ៉ន ចន្ថា ហៅវ៉ិត ភេទប្រុស អាយុ២០ឆ្នាំ នៅភូមិព្រៃស្លែង ឃុំកុមារាជា ស្រុកបាទី ខេត្តតាកែវ។ ទី៣/.ឈ្មោះ លោ ភារ័ត្ន ហៅបូរី ភេទប្រុស អាយុ១៧ឆ្នាំ នៅភូមិក្រាំងពង្រ ឃុំកុមារាជា ស្រុកបាទី ខេត្តតាកែវ ។ ចំណែកបក្ខពួកមួយចំនួនទៀតបានរត់គេចខ្លួន។

ក្នុងរបាយការណ៍បញ្ជាក់ថា បន្ទាប់ពីចុះស្រាវជ្រាវយ៉ាងយកចិត្តទុកដាក់អស់មួយរយៈពាក់ព័ន្ធករណីកាប់ប្លន់តាមផ្លូវ កម្លាំងនគរបាលជំនាញ នៃអធិការដ្ឋាននគរបាលស្រុកបាទី បានសហការជាមួយ​កម្លាំងប៉ុស្តិ៍នគរបាល​រដ្ឋ​បាលពាក់ព័ន្ធរហូតឈានដល់ឃាត់ខ្លួនបានជស្ស័យចំនួន០៣នាក់ និងកំពុងបន្តស្រាវជ្រាវបក្ខពួកដែលកំពុងគេចខ្លួនបន្ថែមទៀត។

សូមបញ្ជាក់ថា បើតាមស្នងការនគរបាលខេត្តតាកែវ បានញ្ជាក់ថា មុខសញ្ញាទាំងនេះតែងធ្វើសកម្មភាពកាប់ប្លន់យកម៉ូតូ និងឆក់យ៉ាងសកម្មក្នុងភូមិសាស្រ្តស្រុកបាទី ដូចជាបណ្តោយផ្លូវជាតិលេខ៣ ផ្លូវជាតិលេខ២ ផ្លូវលេខ១២២A (ចាប់ពីវត្តអង្គរោង ដល់សាលាវិទ្យាល័យបាទី ) ផ្លវលេខ១២២ (ចាប់ពីផ្សារសំរោងយ៉ោង ដល់ផ្សារត្រាំខ្នារ) ។

បច្ចុប្បន្នជនសង្ស័យដែលឃាត់ខ្លួន កម្លាំងជំនាញកំពុងកសាងសំណុំរឿងបញ្ជូនទៅសាលាដំបូងខេត្តតាកែវ ចាត់ការតាមនីតិវិធី​។ ចំណែកម៉ូតូរបស់ជនរងគ្រោះ ដោយបានការឯកភាពពីឯកឧត្តម ព្រះរាជអាជ្ញាអមសាលាដំបូងខេត្តតាកែវ កម្លាំងជំនាញបានប្រគល់ជូនជនរងគ្រោះដើម្បីប្រើប្រាស់វិញ ៕

អត្ថបទ៖ សុខុម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ២ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៣ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៣ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៥ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម