Connect with us

សន្តិសុខសង្គម

ផ្ទុះការតវ៉ា២ថ្ងៃជាប់គ្នា​ករណីដីធ្លីជនជាតិដើមភាគតិចព្នង​នៅឃុំសែនមនោរម្យត្រូវលួចលក់​

បានផុស

នៅ

ប្រជាពលរដ្ឋមួយភូមិលើកគ្នាតវ៉ារយៈពីរថ្ងៃជាប់គ្នាគឺថ្ងៃទី២៦-២៧ ខែតុលា ឆ្នាំ២០២២​នៅសាលាឃុំ​នឹងនៅកន្លែងខ្ទមអ្នកតាករណីអាជ្ញាធរលួចលក់ដីចំការពលរដ្ឋជនជាតិដើមភាគតិចព្នង​មួយភូមិគឺភូមិ​ពូរ៉ាងជិត២០០គ្រួសារ។

ជាក់ស្តែងនាព្រឹកថ្ងៃទី ២៧ ខែតុលា អ្នកភូមិបានលើកគ្នា​ធ្វើការតវ៉ានៅមុខសាលា ឃុំសែនមនោរម្យ ដោយចោទថា អាជ្ញាធរបានឃុបឃិតលួច​លក់ដីចំការ​របស់ពួកគាត់ទំហំ២៥៥ហិកតាទៅឲ្យឈ្មោះ ចឹង ធានសេង រស់នៅរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បងប្អូនជនជាតិភាគតិចព្នងមួយភូមិ១៣២គ្រួសារមានសមាជិកជា៥០០នាក់អំឡុងការតវ៉ាកាលពីព្រឹកមិញ។ គេសង្កេតឃើញប្រជាពលរដ្ឋមកតវ៉ាជិត២០០នាក់។ តំណាងឲ្យអ្នកភូមិពូរ៉ាងឈ្មោះ ជើស ម្លើង បានថ្លែងថា “អាជ្ញាធរ បានលួចលក់ដីចម្ការរបស់ពួកខ្ញុំ”។ លោកថា កន្លងទៅគេបានចុះមកចុចនិយាមកា គេថាដីអ្នកភូមិនេះមិនអីទេ បន្ទាប់មកយកបង្គោល​របងមកដាក់ក្នុងចំការដំឡូងចំការស្វាយទៀត គេថាមិនអីដែរ។ ស្រាប់តែពេលនេះ គេបែរជា​មកបិទប្រកាសនៅសាលាឃុំតែម្ដង ដែលធ្វើឲ្យពួកគាត់មិនសុខចិត្ត ហើយទាមទារ​ឲ្យរក្សាទំហំដី​នេះជាប្រយោជន៍រួមរបស់អ្នកភូមិ។

​ស្ត្រីអ្នកភូមិម្នាក់ទៀតបានលើកឡើងថា ពួកគាត់បានស្វះស្វែងរកកិច្ចអន្តរាគមន៍​ពីរអាជ្ញាធរមានថ្នាក់​ស្រុក និងថ្នាក់ខេត្តដែរ ប៉ុន្តែថ្នាក់ដឹកនាំទាំងអស់នោះភូតកុហក់។ អ្នកស្រីថា អភិបាលខេត្តមណ្ឌល​គិរីលោក ថង សាវ៉ុន បានសន្យាដោះស្រាយបញ្ហាឲ្យពួកគាត់មុនការ បោះឆ្នោតឃុំសង្កាត់ ប៉ុន្តែ​តាមពិតភូត។

​លោកស្រី ថ្វាន់ ត្រែល មេឃុំសែន មនោរម្យបានថ្លែង ទទួលស្គាល់ថា ទីតាំងដីខាងលើពិតជាចំការ​ដែលប្រជាពលរដ្ឋអាស្រ័យផលរាប់តំណរមកហើយ វាជាជីវិតជីវភាពរបស់ពួកគាត់។ លោកស្រីថា មិនបានដឹងគេចុះមកវាស់វែង ឬចុចនិយាមកាលើផ្ទៃដីទាំងនោះទេ។ លោក សៀក មុន្នី អភិបាលស្រុកអូររាំងមិនអាចសុំបំភ្លឺបានទេដោយលោកប្រាប់ថាជាប់ប្រជុំ។

សូមបញ្ជាក់ថា បច្ចុប្បន្នវិបត្តិដីធ្លីបាននិងកំពុងកើតឡើង យ៉ាងពុះកញ្រ្ជោលនៅក្នុខេត្តមណ្ឌលគិរី ជាពិសេសកើត មានទៅលើពលរដ្ឋជនជាតិដើមភាគតិច។ ឧទាហរណ៍ដូចជា​ករណីខ្លះពលរដ្ឋ​កំពុងរស់នៅ ឬអាស្រ័យផលលើដីដែលបន្សល់ទុកដោយដូនតារបស់ពួគេក៍ស្រាប់តែមានអ្នកផ្សេងកាន់ប្លង់មកអះអាងថា ជាម្ចាស់ដីដែលធ្វើឲ្យបញ្ហាផ្ទុះឡើងយ៉ាងស្រួចស្រាល។

ការណ៍នេះត្រូវគេមើលឃើញថា បណ្ដាលមកពីការយល់ដឹងផ្នែកច្បាប់​របស់បងប្អូនជន​ជាតិភាគតិច​នៅមានកម្រិត,ការជាប់ រវល់ការងារ និងជឿថា ជាដីតពីដូនតានឹងដីតំណមអារក្សអ្នកតា​គ្មានអ្នក​ណាហ៊ានប៉ះពាល់ និងអំពើពុក រលួយជាប្រព័ន្ធទាក់ទងការងារធ្វើប្លង់ដីជាដើម៕

អត្ថបទ៖ វុទ្ធឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២ ម៉ោង មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ២ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ៣ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៤ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៤ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម