Connect with us

សន្តិសុខសង្គម

ប្រធានមន្ទីរពេទ្យគន្ធបុប្ឆា បញ្ជាក់មុននេះថា ទារករងគ្រោះថ្នាក់លើស្ពានជ្រោយចង្វា មិនទាន់ស្លា.ប់ទេ

បានផុស

នៅ

កាលពីយប់មិញមានការភ្ញាក់ផ្អើល ចែករំលែកបន្តគ្នា ដោយសេចក្ដីស្រណោះស្រណោក អាណិតខ្លោចចិត្តចំពោះការបាត់បង់ជីវិត ទារកដែលទើបចេញពីមន្ទីរពេទ្យគន្ធបុប្ផា ហើយរងគ្រោះថ្នាក់ចរាចរណ៍ធ្ងន់ធ្ងរ លើស្ពានជ្រោយចង្វា បន្ទាប់ពីស្ថិតក្នុងបន្ទប់សង្គ្រោះបន្ទាន់កម្រិតធ្ងន់ចំនួន ៤ យប់។ ប៉ុន្តែមុននេះ នៅព្រឹកថ្ងៃទី៩ ខែធ្នូ ឆ្នាំ២០២២ លោកប្រធានមន្ទីរពេទ្យគន្ធបុប្ឆា បានឱ្យ “កម្ពុជាថ្មី” ដឹងថា ទារកនោះ មិនទាន់បាត់បង់ជីវិតនៅឡើយទេ ប៉ុន្តែស្ថិតក្នុងសភាពធ្ងន់ធ្ងរ និងមានសង្ឃឹមតិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីយប់មិញ ក៏មានការ Live ផ្សាយថា ទារកនោះ ស្លាប់ហើយ ពោលគឺគេមានដង្ហើមដោយសារនៅដាក់អុកស៊ីហ្សែនទេ តែពេលដក គឺបាត់ដង្ហើមហើយ។ ចំណែកគ្រួសារទារក គឺធ្វើសំណុំបែបបទ ដើម្បីបញ្ជាក់ពីការស្លាប់ និងយកសពទារកទៅធ្វើបុណ្យ។

គួរបញ្ជាក់ថា លោកសាស្ត្រាចារ្យ គី សង់ទី ប្រធានមន្ទីរពេទ្យគន្ធបុប្ផា ធ្លាប់មានប្រសាសន៍ប្រាប់ “កម្ពុជាថ្មី” ថា ទារកនោះ ស្ថិតក្នុងស្ថានភាពធ្ងន់ធ្ងរ នៅកន្លែងសង្គ្រោះបន្ទាន់កម្រិតខ្ពស់។ ចំពោះពន្លឺនៃការសង្ឃឹម មិនទាន់មានទេ គឺធ្ងន់ណាស់ ក្រឡកខួរក្បាល ឈាមក្នុងខួរក្បាល ហើមខួរក្បាលធ្ងន់ធ្ងរ ហើយបែកថង់សួត ហើមសួត ដោយកំពុងដំណើរការជួយសង្គ្រោះដោយម៉ាស៊ីនសប់ដង្ហើម។ ក្រុមគ្រូពេទ្យខិតខំជួយអស់ពីសមត្ថភាព។

គួររំលឹកថា កាលពីម៉ោង ២អធ្រាត្រ ថ្ងៃទី៥ ខែធ្នូ ឆ្នាំ២០២២ រថយន្តមួយគ្រឿងម៉ាក LEXUS NX200t បើកបរដោយបុរសម្នាក់ ក្នុងល្បឿនលឿនឆ្លងកាត់ស្ពានជ្រោយចង្វា ក្នុងទិសដៅពីលិចទៅកើត បុកម៉ូតូ ពេញទំហឹង បណ្តាលឱ្យទារក និងមនុស្សចាស់២នាក់ ខ្ទាត គ្រោះថ្នាក់ធ្ងន់ និងត្រូវជួយសង្គ្រោះបន្ទាន់។ ជនបង្កត្រូវសមត្ថកិច្ចឃាត់ បញ្ជូនទៅប៉ុស្តិ៍ភ្លាមៗ។ ជនបង្ក បានបង់សំណង ២ ៥០០ ដុល្លារអាមេរិក។ ករណីនេះ ធ្វើ​ឱ្យ​មហាជន​រិះគន់​​ រហូតមានការប្ដឹងដល់ ក្រុម​មេធាវី​ស្ម័គ្រចិត្ត​សម្ដេច ហ៊ុន សែន ដើម្បីរកយុត្តិធម៌ពិតប្រាកដ​។

នៅថ្ងៃទី៦ ខែធ្នូ ឆ្នាំ២០២២នេះ ក្រុម​មេធាវី​ស្ម័គ្រចិត្ត​សម្ដេចតេជោ សែន ចំនួន ៤នាក់ បានចុះទៅជួបផ្ទាល់ក្រុមគ្រួសារជនរងគ្រោះ និងម្ដាយទារក ដើម្បី​ការពារ​តាមផ្លូវ​ច្បាប់​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

សហភាព​សហជីព​រក្សា​សិទ្ធិ​កម្មករ​កម្ពុជា​ ប្តឹង​មន្ត្រី​អង្គការ​សង់​ត្រា​ល់​ទៅ​តុលាការ​ទាមទារ​សំណង​ជំងឺ​ចិត្ត​១០០​លាន​រៀល

ព័ត៌មានជាតិ៧ ម៉ោង មុន

សម្ដេចធិបតី ប្រាប់លោក គង់ វិបុល ឱ្យប្រើប្រាស់ប្រព័ន្ធឌីជីថលក្នុងការងារពន្ធដារ ដើម្បីកាត់បន្ថយភាពស៊ាំញ៉ាំ

ព័ត៌មានជាតិ៧ ម៉ោង មុន

ការងារ​ស្ថិតិ និង​អត្រានុកូលដ្ឋាន ជា​កិច្ចការ​ដ៏​មាន​សារៈសំខាន់ និង​ជា​សេវា​ដែល​ប្រជាពលរដ្ឋ​ត្រូវការ​ក្នុង​ជីវភាព​ប្រចាំថ្ងៃ​

ព័ត៌មានជាតិ៨ ម៉ោង មុន

ប្រឡាយ​ធម្មជាតិ​ចំនួន​៣ ​ដែល​ប្រឈម​នឹង​កកស្ទះ​ចរន្តទឹក​ហូរ​ចេញ​ត្រូវ​បាន​ជីក​ស្តារ

ព័ត៌មានជាតិ៨ ម៉ោង មុន

លោកស្រី មិថុនា ភូ​ថង​ ៖ អាជ្ញាធរ​មូលដ្ឋាន​គប្បី​ចូលរួម​ឱ្យ​សកម្ម​លើ​ការគ្រប់គ្រង​គ្រោះមហន្តរាយ​

Sokha Hotels

ព័ត៌មានពេញនិយម