សន្តិសុខសង្គម

ឆ្លងចរន្តអគ្គិសនីឆេះរថយន្តស៊ិនទ្រីចំនួន២គ្រឿង

បានផុស

២ years មុន

នៅ

ថ្ងៃពុធ ១១ មករា ២០២៣

ដោយ

ភ្នំពេញ ៖ រថយន្តស៊ិនទ្រី ចំនួនពីរគ្រឿង ត្រូវបានអគ្គិភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អើលដល់កម្មករនិងអាជ្ញាធរមូលដ្ឋានចុះអន្តរាគមន៍ កាលពីនៅវេលាម៉ោង៦និង ៣០នាទី ថ្ងៃទី១១ ខែមករា ឆ្នាំ២០២៣ នៅចំណុចការ៉ាសឡានក្រុមហ៊ុនស៊ិនទ្រី ផ្លូវបេតុង ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឱ្យដឹងថា ម្ចាស់ទីតាំងឈ្មោះ សេង សាវី ភេទប្រុស អាយុ៦៥ឆ្នាំ មុខរបរប្រធានក្រុមហ៊ុនស៊ិនទ្រី។

តាមប្រភពព័ត៌មានពីកម្មកររបស់ក្រុមហ៊ុនស៊ិនទ្រីខាងលើបានឱ្យដឹងថា មុនពេលកើតហេតុខណៈដែលបុគ្គលិកចប់វេនក៏បើករថយន្តចូលក្រុមហ៊ុនវិញចតទុកធម្មតា លុះមកដល់វេលាកើតហេតុខាងលើក៏ឃើញមានផ្សែងហុយចេញពីក្បាលរថយន្តបង្កជាអណ្តាតភ្លើងឆាបឆេះយ៉ាងសន្ធោសន្ធៅទើបនាំគ្នាទាញទុយោមកបាញ់ទឹក និងរាយការណ៍ទៅសមត្ថកិច្ចហៅរថយន្តពន្លត់អគ្គិភ័យមកអន្តរាគមន៍ភ្លាមៗ។

បន្ទាប់ពីទទួលបានព័ត៌មានខាងលើភ្លាម អាជ្ញាធរមូលដ្ឋាន និងមន្ត្រីជំនាញបង្ការ សង្គ្រោះអគ្គិភ័យបានចេញរថយន្តមកដល់ជាច្រើនគ្រឿងដើម្បីធ្វើការបាញ់ទឹកពន្លត់យ៉ាងញាប់ដៃជើង រហូតប្រើប្រាស់ទឹកអស់ត្រឹមតែ៣ឡាន ក៏រលត់ទៅវិញជាស្ថាពរនៅវេលាម៉ោង១៨ និង៥០នាទីថ្ងៃខែដដែល និងខូចខាតរថយន្តអស់ចំនួន២គ្រឿង។

សមត្ថកិច្ចបានបញ្ជាក់ថា មូលហេតុនៃការឆាបឆេះនេះបណ្ដាលមកពី ឆ្លងចរន្តអគ្គិសនី(អាគុយរថយន្ត) ដោយមិនឆេះរាលដាលដល់ផ្ទះអ្នកក្បែរខាង និងមិនបង្កគ្រោះថ្នាក់ដល់មនុស្សនោះឡើយ៕

ដោយ ៖ សុខា