សន្តិសុខសង្គម
មុនចូលសែនពិធីចិន ផ្ទះបីខ្នងបានឆាបឆេះ ក្នុងស្រុកស្ទឹងត្រង់
កំពង់ចាម ៖ អគ្គីភ័យបានឆាបឆេះផ្ទះចំនួន៣ក្នុងស្រុកស្ទឹងត្រង់ ខេត្តកំពង់ចាម ដោយសារឆ្លងចរន្តអគ្គិសនី ខណៈសែនចិនមិនចូលមកដល់ ក្នុងហេតុការណ៍នេះ មិនបណ្ដាលអោយមនុស្សរងរបួសឡើយ។
នៅវេលាម៉ោង ១១ថ្ងៃត្រង់ នាថ្ងៃទី២០ខែមករា ឆ្នាំ២០២៣ មានករណីអគ្គីភ័យបានឆេះផ្ទះ ចំនួន៣ខ្នង ដែលស្ថិតនៅចំណុចភូមិព្រែកកក់ ឃុំព្រែកបាក់ស្រុកស្ទឹងត្រង់ ខេត្តកំពង់ចាម។ បើតាមការបញ្ជាក់ពីសមត្ថកិច្ចបានឲ្យដឹងថា ដោយសន្និដ្ឋានជំហានដំបូងថា ប្រហែលមកពីម្ចាស់ផ្ទះខ្នងទី១ ដាំបាយអគ្គិសនី ទើបបណ្តាលមកពីភ្លើងចង្ក្រានឆ្លងចរន្ត។
សមត្ថកិច្ចបញ្ជាក់ទៀតថា ផ្ទះឈើប្រក់ក្បឿងចំនួន៣ខ្នង ស្មើ៣គ្រួសារនេះ គឺបានឆាបឆេះទាំងស្រុង ខណៈកងកម្លាំងនគរបាលនៃស្នងការដ្ឋាននគរបាលខេត្តកំពង់ចាម ប្រើប្រាស់ឡានទឹក៦គ្រឿង និងមិនបង្កឲ្យនរណាម្នាក់រងរបួសឡើយ។ ករណីអគ្គីភ័យនេះ កងកម្លាំងនគរបាល បានជួយអន្តរាគមន៍បាញ់ពន្លត់អស់១០០% នៅវេលាម៉ោង១នឹង៣០នាទី។
ទន្ទឹមនឹងនេះដែរ អាជ្ញាធរខេត្តកំពង់ចាម ត្រូវតែមានការប្រុងប្រយ័ត្នខ្ពស់ពីគ្រោះអគ្គីភ័យ ដែលអាចកើតមានគ្រប់ពេល ប្រសិនបើ មានការធ្វេសប្រហែស ក្នុងឱកាសពិធីសែនចិនខាងមុខនេះ។ ដូចនេះ ពេលមិននៅ ឬ ចាកចេញពីផ្ទះ ត្រូវបិទកុងតាក់ភ្លើងអគ្គិសនី ពន្លត់ ភ្លើងចង្ក្រាន ហ្គាស ពន្លត់ទៀន ធូប ជាមុនសិន ដើម្បី បង្ការក្រែងកើតមានមហន្តរាយផ្សេងៗ ៕
អត្ថបទនិងរូបភាព ៖ ឡេក ចាន់ពេជ្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង