សន្តិសុខសង្គម
ចោរសម័យថ្មី ពីរនាក់ប្តីប្រពន្ធជិះរថយន្តធ្វើសកម្មភាពបន្លំលួចមាសជាង១០តម្លឹង អស់លក្ខជាប់អន្ទាក់នគរបាល
កំពង់ស្ពឺ ៖ ចោរសម័យថ្មី ពីរនាក់ប្តីប្រពន្ធជិះរថយន្តដើរធ្វើសកម្មភាពបន្លំលួចមាសជាង១០តម្លឹងពីអាជីវករលក់មាស ប្តូរលុយផ្សារក្រាំងច្រេក ស្រុកឧដុង្គ បានសម្រេចប៉ុន្តែគេចមិនរួចត្រូវជាប់ខ្នោះ។
នគរបាលព្រហ្មទណ្ឌកំរិតធ្ងន់ នៃស្នងការនគរបាលខេត្តកំពង់ស្ពឺ បានឲ្យដឹងថា នៅថ្ងៃទី១៨ ខែកុម្ភៈ ឆ្នាំ២០២៣ មានករណីជនសង្ស័យពីរនាក់ប្តីប្រពន្ធបានធ្វើសកម្មភាពលួចបានមាសជាង១០ដំឡឹង ត្រង់ចំណុចផ្សារក្រាំងចេក ក្នុងភូមិគោកសណ្តែក ឃុំក្រាំងចេក ស្រុកឧដុង្គ ខេត្តកំពង់ស្ពឺ។
ប្រភពបន្តទៀតថា ជនសង្ស័យមានឈ្មោះ ស៊ឹម ឡេង ភេទស្រី អាយុ ៥៥ឆ្នាំ រស់នៅភូមិក្រងស្វាយ ឃុំស្វាយអំពារ ស្រុកមុខកំពូល ខេត្តកណ្តាល និងឈ្មោះ ឡោ ថុល ភេទប្រុស អាយុ ៥៦ឆ្នាំ ជាប្តីប្រពន្ធនឹងគ្នា។ ចំណែកជនរងគ្រោះ ឈ្មោះ ចុន ចំរើន ភេទប្រុស អាយុ ៤៣ឆ្នាំ មុខរបរ លក់មាស ប្តូរប្រាក់ នៅផ្សារក្រាំងចេក រស់នៅភូមិទួលស្តៅ ឃុំ ក្រាំងចេក ស្រុកឧដុង្គ។
មុនពេលកើតហេតុ ជនសង្ស័យបានធ្វើសកម្មភាពប្រើល្បិចរកទិញមាស និងបន្លំលួចមាសបានជាង១០តម្លឹង មានខ្សែក១០ខ្សែ ក្រវឹល៣០គូរ ,បន្តោងខ្សែក២០។ បន្ទាប់ពីធ្វើសកម្មភាពបានសម្រេចជនរងគ្រោះសង្ស័យក៏រាយការណ៍ទៅនគរបាលប៉ុស្តិ៍ដើម្បីឃាត់ខ្លួនភ្លាមៗ។
ក្រោយឃាត់ខ្លួនបានដកហូតបាន ទូរសព្ទដៃ ០៤គ្រឿង ,នាឡិកាដៃ ០១គ្រឿង ,រថយន្តម៉ាកកាមរី ហើម ពណ៌ស ផលិតឆ្នាំ១៩៩៣ មធ្យោបាយប្រព្រឹត្តបទល្មើស និងមាស ១០តម្លឹង។ ចំពោះគ្រឿងអលង្ការត្រូវបានប្រគល់ឲ្យជនរងគ្រោះវិញ។
បច្ចុប្បន្នជនសង្ស័យខាងលើ ត្រូវបានឃាត់ខ្លួនបញ្ជូនមកស្នងការដ្ឋាននគរបាលខេត្តកំពង់ស្ពឺចាត់ការតាមនីតិវិធី៕
ដោយ ៖ ភួង រដ្ឋា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ