ព័ត៌មានបឋម៖ ភ្លើងឆេះអគារកំពុងសាងសង់ នៅក្រុងព្រះសីហនុ

ភ្លើងឆេះអគារកំពុងសាងសង់មានកម្ពស់ជាច្រើនជាន់មួយកន្លែងនៅផ្លូវចំណោតអាឡាំងដឺឡុង ផ្លូវទៅអូរត្រេះ (កំពង់ដេវ៉ា) ស្ថិតនៅសង្កាត់លេខ៤ ក្រុង/ខេត្តព្រះសីហនុ។ ករណីបង្កការភ្ញាក់ផ្អើលនេះបានកើតមានឡើងនៅម៉ោងប្រមាណ ៦ និង១០នាទីល្ងាច ថ្ងៃទី២៣ ខែមេសា ឆ្នាំ២០២៣។

ក្រោយកើតហេតុ គេឃើញរថយន្តពន្លត់អគ្គីភ័យរបស់សមត្ថកិច្ចកងរាជអាវុធហត្ថខេត្ត និងស្នងការនគរបាលខេត្តព្រះសីហនុជាច្រើនគ្រឿង ជួយបាញ់ពន្លត់ភ្លើងនៅកន្លែងកើតហេតុ។

ភ្លាមៗនេះគេមិនទាន់ដឹងថា ករណីនេះបង្កឡើងដោតសារមូលហេតុអ្វី និងមានមនុស្សរបួស និងជាប់នៅក្នុងអគារនេះប៉ុន្មាននាក់នោះទេ។ នៅកន្លែងកើតហេតុគេឃើញក្រុមសមត្ថកិច្ចជំនាញជាច្រើននាក់បានចុះធ្វើអននតរាគមន៍ទៅដល់កន្លែងកើតហេតុក្រោមផ្សែងភ្លើងហុយខ្មួលខ្មាញ់៕

អត្ថបទ៖ ចាន់ធា