Connect with us

សន្តិសុខសង្គម

ព្រះរាជអាជ្ញា​សម្រេច​ដោះលែង​ប្ដី​ប្រពន្ធ​ជីវភាពខ្វះខាត២គូ ករណី​លួចដែក​តិចតួច​ត្រូវ​ម្ចាស់​ប្ដឹង

បានផុស

នៅ

កំពង់ឆ្នាំង ៖ លោក​ ឯក ​ស៊ុន​រស្មី ព្រះរាជអាជ្ញា​អម​សាលាដំបូង​ខេត្ត​កំពង់ឆ្នាំង​នៅ ល្ងាច​ថ្ងៃ​ទី​០២ ​ខែឧសភា​ ឆ្នាំ​២០២៣ បានសម្រេច​ដោះលែង​ជនសង្ស័យ​ជា​ប្ដី​ប្រពន្ធ៤នាក់​ដែល​មានជីវភាពខ្វះខាត ខណៈ​សមត្ថកិច្ច​ចាប់ខ្លួន​ទាក់ទង​និង​ដើមបណ្ដឹង​ប្ដឹង​ថា​ពួក​គេ​បាន​លួច​ដែក​របស់​ខ្លួន​ទៅ​លក់​ឲ្យ​អេតចាយ​។

សមត្ថកិច្ច​នគរបាល ​នៃ​ស្នងការដ្ឋាន​នគរបាល​ខេត្តកំពង់ឆ្នាំង​បាន​ឲ្យ​ដឹង​ថា ​ជនសង្ស័យ​ទាំង​​ពីរ​គូ នេះ​បាន​ត្រូវ​ឃាត់​ខ្លួន​មាន​១ ឈ្មោះ ម៉ាត់ ឧស្មាន់ ហៅ​ហៀ​ង ភេទ​ប្រុស អាយុ ២៥ ឆ្នាំ , ២​ឈ្មោះ​ម៉ាត់ សា​លីន ហៅ​ថៃ​អាយុ ១៩ ឆ្នាំ ៣.​ឈ្មោះ នាង ម៉ា​ណា ហៅ​រស្មី អាយុ ២២ ឆ្នាំ ភេទ​ស្រី មាន​ផ្ទៃពោះ 6 ខែ , ៤​ឈ្មោះ វ៉ាន់ គុយ​អេង ហៅ​នី អាយុ ២០​ឆ្នាំ​ភេទ ស្រី មាន​កូនតូច​ម្នាក់​និង​មាន ផ្ទៃពោះ ៤ ខែ ។ ពួក​មាន​មុខរបរ​ជា​កម្មករ​សំណង់​និង​គ្មាន​ផ្ទះសម្បែង​នៅទេ គឺ​រស់នៅ​លើដី​របស់គេ​នៅ​ភូមិ​ដំណាក់​កី ឃុំ​ជើង​គ្រាវ ស្រុក​រលាប្អៀរ ខេត្តកំពង់ឆ្នាំង​។

ជនសង្ស័យ​ទាំង​បួន​នាក់​ខាងលើ​នេះ ​ត្រូវ​គេ​ប្ដឹង​ថា​ បាន​លួច​ដែក​យក​ទៅ​លក់​ឲ្យ​អ្នកទិញ​អេតចាយ នៅ​ភូមិ​ស្រែ​តា​ជៃ ឃុំ​អភិវឌ្ឍន៍ ស្រុក​ទឹកផុស រួម​នឹង​រក​ឃើញ​ដែក​របស់​ជា​ភស្តុតាង​របស់​ខ្លួន នៅផ្ទះ​ទិញ​អេតចាយ​ផង​ដែរ។ ជនសង្ស័យ​ទាំង​បួន​នាក់​ ត្រូវ​បាន​សមត្ថកិច្ច​ស្រាវជ្រាវ​ចាប់ខ្លួន​នៅ​ថ្ងៃទី​០១ ខែឧសភា​ ឆ្នាំ២០២៣ កសាង​សំណុំ​រឿង​បញ្ជូន​មកកាន់​តុលាការខេត្ត​កំពង់ឆ្នាំង​នៅ​រសៀល​ថ្ងៃទី​០២ ខែឧសភា​ឆ្នាំ​២០២៣​។

នៅ​ចំពោះ​មុខ​តុលាការ​ជនសង្ស័យ​ទាំង​បួន​នាក់​បាន​សារភាព​ថា ​ពួក​គា ត់ពិត​ជា​បាន​លួច​ដែក​របស់​គេ​ចំនួន៣​លើក​ពិតមែន ហើយ​បាន​យកទៅលក់​ឲ្យ​អ្នកទិញ​អេតចាយ​នៅ​ស្រុក​ផុស លើកទីមួយ​លក់បាន​លុយ ១២.០០០ រៀល​និង​លើក​ទី ២ លក់បាន​លុយ ១៣.០០០​រៀល ដើម្បី​យកលុយ​នេះ​ទិញ​ថ្នាំ​ឲ្យ​ម្ដាយ​ឈឺ​និង​ទិញ​ទឹកដោះគោ​អោយ​កូនបៅ។

លោក​ ឯក ស៊ុន​រស្មី ព្រះរាជអាជ្ញា​អម​សាលាដំបូង​ខេត្ត​កំពង់ឆ្នាំង​បាន​ឲ្យ​ដឹង​ថា ក្រោយពី​បាន​ពិនិត្យ​សំណុំ រឿង​ខាងលើ​នេះ ដែល​ជា​រឿង​ចោរកម្ម​តូចតាច លោក​ក៏បាន​សម្រេច​ចិត្ត​ដោះលែង​ជនសង្ស័យ​ទាំង​បួន​នាក់​នៅ​ល្ងាច​ថ្ងៃទី​០២ ខែឧសភា​នេះ​ឲ្យ​វិល​ទៅកាន់​មូលដ្ឋាន​វិញ ដោយ​ឱ្យធ្វើ​កិច្ចសន្យា​បញ្ឈប់​សកម្មភាព​លួច​របស់​គេ​ជាមួយ​តុលាការ និង​ជាមួយ​នគរបាល​ប៉ុស្តិ៍​មូលដ្ឋាន​។

ក្នុង​ការ​ដោះលែង​នេះ​ដែរ​លោកព្រះ​រាជអាជ្ញា​ក៏បាន​ឧបត្ថម្ភ​អង្ករ​ចំនួន ៥០ គីឡូ និង​លោក​ព្រះរាជអាជ្ញារង​២​នាក់​ក៏បាន​ឧបត្ថម្ភ​ថវិកា​ចំនួន ១០​ម៉ឺន​រៀល ដល់​អ្នក​ទាំង​បួន​នាក់​ខាងលើនេះ​ផងដែរ៕

ដោយ ៖ ឈៀង​ថា​រិ​ទ្ធ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ នាទី មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍២៧ នាទី មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៣ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៤ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៥ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម