មន្ទីរសុខាភិបាលរាជធានី សហការជាមួយអាជ្ញាធរខណ្ឌពោធិ៍សែនជ័យចុះឃាត់រថយន្តសង្គ្រោះ​២​គ្រឿង​​គ្មានច្បាប់អនុញ្ញាត​គាប​សង្កត់ពលរដ្ឋ

មន្ទីរសុខាភិបាលរាជធានីភ្នំពេញ សហការជាមួយកម្លាំងគណៈបញ្ជាការឯកភាពខណ្ឌពោធិ៍សែនជ័យ ចុះចាប់ដកហូតរថយន្តចំនួនពីរគ្រឿងជាប្រភេទរថយន្តសង្គ្រោះបន្ទាន់ដោយគ្មានច្បាប់អនុញ្ញាតផ្គេីនទៅនឹងសេក្តីប្រកាសរបស់ក្រសួងសុខាភិបាល ដេីរដឹកអ្នកជំងឺតាមដងផ្លូវគាបសង្កត់យកលុយពីប្រជាពលរដ្ឋ។

ការចុះចាប់យករថយន្តសង្គ្រោះខាងលេីនេះបានធ្វេីឡេីងនៅវេលាម៉ោង៨យប់ ថ្ងៃទី១៥ ខែឧសភា ឆ្នាំ២០២៣ នៅ​ចំណុចឃ្លាំង១កន្លែងស្ថិតក្នុងភូមិចំការឪឡឹក២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។ ក្នុងរង្វង់ប្រតិបត្តិការខាងលេីនេះ ដឹកនាំដោយលោក ងី មានហេង ប្រធានមន្ទីរសុខាភិបាលរាជធានីភ្នំពេញ​ ដោយមានការសម្របសម្រួលពី លោក ទី មុនិន្ទ ព្រះរាជអាជ្ញារងអមសាលាដំបូងរាជធានី និងលោក លឹម ចាន់រីណា ក្រឡាបញ្ជី និងលោក សក់ ច័ន្ធកញ្ញារិទ្ធ អភិបាលនៃគណៈអភិបាលខណ្ឌពោធិ៍សែនជ័យ។ រថយន្តដែលចាប់យកទី១ប្រភេទរថយន្តស្តារិច ស្លាកលេខ ព្រៃវែង 2A 7774 ទី២រថយន្តស្តារិក ស្លាកលេខ ព្រះសុីហនុ 2B 4444 ។

សូមបញ្ជាក់ផងដែរ កាលពីព្រលប់ថ្ងៃទី១៤ ខែឧសភា ឆ្នាំ២០២៣ នៅត្រង់ចំណុចស្តុបសេះមាស ស្ថិតក្នុងសង្កាត់ស្ទឹងមានជ័យទី៣ ខណ្ឌមានជ័យ មានករណីគ្រោះថ្នាក់ចរាចរណ៍មួយរវាងរថយន្តធំ និងម៉ូតូហុងដាគុបបណ្ដាលឲ្យនារីម្នាក់ស្លាប់នៅកន្លែងកើតហេតុភ្លាមៗ។ បន្ទាប់មកក៏មានរថយន្តសង្គ្រោះរបស់មន្ទីរពេទ្យឯកជន ដោយមិនមានបិទស្លាកឡូ​ហ្គោ សម្គាល់គ្លីនិកត្រឹមត្រូវ បានដឹកសពជនរងគ្រោះយកទៅស្រុកកំណើត ឯស្រុគីរីវង់ ខេត្តតាកែវ ដោយសាច់ញាតិជនរងគ្រោះបានអះអាងថា បានជម្រិតទាប្រាក់ចំនួន៤៥០ដុល្លារ ពីសាច់ញ្ញាតិជនរងគ្រោះ។

បើតាមការអះអាងពីអ្នកបើកបររថយន្តដឹកសពបានប្រាប់ឲ្យដឹងថា តម្លៃសេវាដឹកសពជនរងគ្រោះទៅដល់ស្រុកកំណើតតម្លៃ២៥០ដុល្លារនោះទេ ចំណែក២០០ដុល្លារទៀត គឺតម្លៃថ្នាំចាក់សាកសព ដោយមិនដូចការចោទប្រកាន់ពីសាច់ញាតិជនរងគ្រោះបានចោទប្រកាន់មកលើខាងររថយន្តដឹកសពនោះទេ។ បច្ចុប្បន្នរថយន្តខាងលេីបាននាំយកទៅរក្សាទុកនៅសាលាខណ្ឌពោធិ៍សែនជ័យជាបណ្ណោះអាសន្ន៕

អត្ថបទ៖ សុខា