សន្តិសុខសង្គម
ឃាត់ខ្លួនយុវជន ៣ នាក់ ក្រោយផឹកស្រាស្រវឹង ជិះម៉ូតូកាប់បំផ្លាញទ្រព្យសម្បត្តិពលរដ្ឋ
កម្លាំងនគរបាលប៉ុស្តិ៍រដ្ឋបាល និងក្រុងខេមរភូមិន្ទ បានឃាត់ខ្លួនយុវជនឈាមរាវទំនើងចំនួន ៣ នាក់ ក្រោយពួកគេធ្វើសកម្មភាពផឹកស្រា ហើយជិះម៉ូតូកាប់បំផ្លាញម៉ូតូ និងរថយន្តរបស់ប្រជាពលរដ្ឋ កាលពីយប់ថ្ងៃទី ១៨ ខែឧសភា ឆ្នាំ ២០២៣។
លោក យស់ ចាន់វិចិត្រ អធិការនគរបាលក្រុងខេមរភូមិន្ទ បានឲ្យដឹងនៅថ្ងៃទី ១៩ ខែឧសភា នេះថា សកម្មភាពរបស់ក្មេងទំនើង ៣ នាក់ខាងលើ ជាបទល្មើសមិនធ្លាប់មានកន្លងទៅមកនោះទេ ពោលគឺទើបតែមានពេលនេះ ក្រោយពីសមត្ថកិច្ចរបស់លោកបានទទួលពាក្យបណ្ដឹងពីប្រជាពលរដ្ឋ និងចុះអន្តរាគមន៍កំណត់មុខសញ្ញាបង្ក្រាបបានភ្លាមៗ។
យុវជនទាំង ៣ នាក់ មានទី១-ឈ្មោះ ចិត្រ សុខត្រា ភេទប្រុស អាយុ ១៦ ឆ្នាំ មុខរបរមិនពិតប្រាកដ ទីលំនៅបច្ចុប្បន្នភូមិព្រែកស្វាយ សង្កាត់ស្ទឹងវែង(ជាអ្នកធ្វើសកម្មភាពកាប់រថយន្តទាំងពីរ)។ ទី២-ឈ្មោះ សៅ ប៉ូលីន ភេទប្រុស អាយុ ១៨ ឆ្នាំ មុខរបរមិនពិតប្រាកដ ទីលំនៅបច្ចុប្បន្នភូមិព្រែកស្វាយ សង្កាត់ស្ទឹងវែង ជាអ្នកធ្វើសកម្មភាពកាប់ម៉ូតូចំនួនពីរគ្រឿង។ និងទី៣-ឈ្មោះ គង់ សុវណ្ណរាជ ភេទប្រុស អាយុ ១៧ ឆ្នាំ មុខរបរមិនពិតប្រាកដ ទីលំនៅបច្ចុប្បន្នភូមិ ០២ សង្កាត់ដងទង់ ជាអ្នកបើកម៉ូតូ និងផ្ដើមគំនិត។
លោក យស់ ចាន់វិចិត្រ អធិការនគរបាលក្រុងខេមរភូមិន្ទ បន្ថែមថា ដើមហេតុដែលធ្វើឲ្យក្មេងទំនើង ៣ នាក់នេះ ឈានដល់ជិះម៉ូតូដើរកាប់បំផ្លិចបំផ្លាញទ្រព្យសម្បត្តិប្រជាពលរដ្ឋ គឺដោយសារតែការស្រវឹងស្រា បែកគំនិតធ្វើសកម្មភាពយ៉ាងដូច្នេះតែម្ដង។ បន្ទាប់មក ជនសង្ស័យទាំង ៣ នាក់ បានយកកាំបិតផ្គាក់ទៅបោះចោលនៅក្នុងសមុទ្រ។
សមត្ថកិច្ច បញ្ជាក់ទៀតថា មុនដំបូងឃាត់បានបក្ខពួកគេ ១ នាក់ ចំណុចដីឡូត៍ សំ វីរៈ និងបន្តតាមចាប់ឃាត់ខ្លួនគ្នីគ្នា ២ នាក់ទៀត នៅផ្លូវឆ្មាបាត់ សង្កាត់ស្ទឹងវែង។ ជនសង្ស័យទាំង ៣ នាក់ បានយកកាំបិតផ្គាក់ទៅបោះចោលនៅក្នុងសមុទ្រ។ បច្ចុប្បន្ន សមត្ថកិច្ច បានកសាងសំណុំរឿងបញ្ជូនទៅតុលាការអនុវត្តនីតិវិធីបន្ត៕
អត្ថបទ ៖ សិរីវឌ្ឍនៈ
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១០ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ