ជនសង្ស័យឆក់ទាំងព្រឹកនៅមុខប៉ុស្តិ៍នគរបាលកន្ទោក ខណ្ឌកំបូល

ជនសង្ស័យមួយក្រុមជិះម៉ូតូ៣គ្រឿងបានធ្វេីសកម្មភាពឆក់យកខ្សែកពីបុរសម្នាក់ ខណៈកំពុងជិះម៉ូតូឌុបប្រពន្ធ ដែលបានបង្កការភ្ញាក់ផ្អេីល កាលពីវេលាម៉ោង៩និង៥០នាទីព្រឹក ថ្ងៃទី២០ ខែឧសភា ឆ្នាំ២០២៣ នៅតាមបណ្ដោយផ្លូវជាតិលេខ៤ ទល់មុខប៉ុស្តិ៍នគរបាលរដ្ឋបាលសង្កាត់កន្ទោក ខណ្ឌកំបូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពព័ត៌មាន បានឱ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូឌុបប្រពន្ធធ្វេីដំណើរតាមដងផ្លូវជាតិលេខ៤ ក្នុងទិសដៅពីលិចទៅកេីត ខណៈមកដល់មុខប៉ុស្តិ៍នគរបាលរដ្ឋបាលកន្ទោកស្រាប់តែមានជនសង្ស័យមួយក្រុមជិះម៉ូតូ៣គ្រឿងមិនចាំស្លាកលេខធ្វេីសកម្មភាពឆក់ខ្សែកមាសពីជនរងគ្រោះ។ តែភ្លាមៗនោះជនរងគ្រោះដឹងខ្លួនទាន់ស្រវាចាប់បានពាក់កណ្តាលមកវិញ ហេីយជនសង្ស័យក៏ជិះម៉ូតូគេចខ្លួនបាត់អស់ទៅ។

តាមការបង្ហេីបពីពលរដ្ឋ បានប្រាប់ឱ្យដឹងថា បទល្មេីសលួច ឆក់ ប្លន់ នៅក្នុងមូលដ្ឋានខណ្ឌកំបូលកំពុងតែកេីតឡេីងជាញឹកញាប់ដែលធ្វេីឱ្យពលរដ្ឋមានការភ័យខ្លាច។ បើទោះបីយ៉ាងណាក្ដី ប្រជាពលរដ្ឋក៏បានស្នេីដល់លោក ហង្ស មុនី  អធិការនគរបាលខណ្ឌកំបូល មេត្តាចាត់កម្លាំងល្បាតក្នុងមូលដ្ឋានឱ្យបានច្រេីនបន្តិចជៀសវាងបទល្មេីសកេីនឡេីង៕

ដោយ៖សុខា