Connect with us

សន្តិសុខសង្គម

មិនដល់២៤ម៉ោង សមត្ថកិច្ចឃាត់ខ្លួនជនឆក់ទូរសព្ទមុខសួនច្បារណាហ្គា១ និងប្រគល់ទូរសព្ទទៅជនជាតិរុស្ស៊ីវិញ

បានផុស

នៅ

នៅម៉ោង៣៖០០នាទី រសៀលថ្ងៃទី២៦ ខែកុម្ភៈ នេះ សមត្ថកិច្ចបានឃាត់ខ្លួនជនសង្ស័យម្នាក់ បន្ទាប់ពីបានឆក់ទូរសព្ទរជនជាតិរុស្ស៊ី កាលពីវេលាម៉ោង៩៖០០នាទីយប់យប់ថ្ងៃទី២៥ ខែកុម្ភៈ។ នេះបើតាមសំណេរនៅលើទំព័រហ្វេសប៊ុករបស់ស្នងការដ្ឋាននគរបាលរាជធានីភ្នំពេញ។

(រូបថតសម្ថកិច្ចប្រគល់ទូរសព្ទជូនជនរងគ្រោះវិញ។)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសំណេរដដែល គឺកម្លាំងប៉ុស្តិ៍នគរបាលរដ្ឋបាលទន្លេបាសាក់ បានធ្វើការស្រាវជ្រាវបង្ក្រាបករណីឆក់ទូរសព្ទ័ដៃ និងឃាត់ខ្លួនជនសង្ស័យម្នាក់ ឈ្មោះចាន់ រស្មី ភេទប្រុស ជាតិខ្មែរ  នៅចំណុចក្បែរស្ពាននាគភ្លោះចេញកោះពេជ្រ។ ការឃាត់ខ្លួននេះ គឺនៅក្រោយពេលដែលជនសង្ស័យ បានឆក់ទូរសព្ទរបស់ជនជាតិរុស្ស៊ី កាលពីម៉ោង៩៖០០នាទីយប់ថ្ងៃទី២៥ ខែកុម្ភៈ នៅត្រង់ចំណុចសួនច្បារមុខណាហ្គា១ ផ្លូវសួនច្បារសម្តេច សង្កាត់ទន្លេបាសាក់ចំការមន។ ជនសង្ស័យដដែល មានទីលំនៅមិនពិតប្រាកដ និងគ្មានមុខរបរឡើយ។ ក្រោយឃាត់ខ្លួនសមត្ថកិច្ចបានតេស្តរកសារធាតុញៀន​ ជាលទ្ធផលគឺវិជ្ជមាន។

សមត្ថកិច្ចក៏បានប្រគល់ទូរសព្ទដៃម៉ាកXiaomi11 ULTRA ពណ៌ខ្មៅ គ្មានសុីម តាមការស្នើរបស់ជនរងគ្រោះជនជាតិរុស្ស៊ី ឈ្មោះBULAT SULEIMANOV ភេទប្រុស ជនជាតិរុស្សី ស្នាក់នៅខុនដូរPK ផ្លូវ៤៣០ សង្កាត់ទួលទំពូង២ ខណ្ឌចំការមន មុខរបរ បុគ្គលិកក្រុមហ៊ុនផ្នែកអាយ.ធី។

បច្ចុប្បន្នជនសង្ស័យ កំពុងឃាត់ខ្លួនជាបណ្ដោះអាសន្ន ដើម្បីកសាងសំណុំរឿងបញ្ជួនសាលាដំបូងរាជធានី ដើម្បីចាត់ការតាមនីតិវិធី។

គួររំលឹកថា តាមរយៈទំព័រហ្វេសប៊ុក ស្ថានទូតរុស្ស៊ីប្រចាំកម្ពុជា បានប្រាប់ពលរដ្ឋខ្លួនដែលមករស់នៅ ឬមកកម្សាន្តនៅរាជធានីភ្នំពេញត្រូវប្រុង​ប្រយ័ត្នចំពោះបញ្ហាសន្តិសុខផ្ទាល់ខ្លួន ពីព្រោះស្ថានទូតរុស្ស៊ីបានកត់សម្គាល់ឃើញថាទីក្រុងភ្នំពេញមួយរយៈចុងក្រោយមានការកើនឡើងលើបញ្ហាចោរកម្ម ជាពិសេសនៅតាមដងផ្លូវព្រះស៊ីសុវត្ថិដែលមានករណីឆក់កាបូប និងសម្ភារៈភ្ញៀវនៅពេលកំពុងធ្វើដំណើរតាមផ្លូវ។

ក៏ប៉ុន្តែអ្នកនាំពាក្យស្នងការដ្ឋានរាជធានីភ្នំពេញបានឆ្លើយតបទៅកាន់ស្ថានទូតរុស្ស៊ីវិញថា មិនមានការកើនឡើងនូវករណីចោរឆក់នៅលើផ្លូវព្រះស៊ីសុវត្ថិដូចការកត់សម្គាល់របស់ស្ថានទូតឡើយ៕

ដោយ៖ ង៉ិល ណារ៉ាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៩ នាទី មុន

ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ

ព័ត៌មានជាតិ១៥ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៥៦ នាទី មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម