អ្នកញៀនល្បែងយូគីមួយកន្លែងត្រូវបានសមត្ថកិច្ច​ស្រុកបន្ទាយមាសចុះបង្រ្កាប

កាលពីរសៀលថ្ងៃទី ២៦ ខែសីហា ឆ្នាំ២០២៣ រសៀលម៉ោង២ សមត្ថកិច្ចស្រុកបន្ទយមាស បានចុះបង្ក្រាបអ្នកញៀនលេងល្បែង យូគី មួយកន្លែង ដែលគេបានដឹងថាល្បែង យូគី ដុះស្លែរាប់ខែណាស់មកហើយនោះ ដែលស្ថិតនៅ ក្នុងភូមិ សំរោង ចិន ឃុំ ព្រៃ ទន្លេ ស្រុក បន្ទាយមាស ខេត្តកំពត ។

សមត្ថកិច្ចស្រុកបន្ទាយមាសបានប្រាប់ឱ្យដឹងថា ការចុះបង្ក្រាបល្បែង យូគី ដុះស្លែមួយកន្លែងនេះ  បានចង្អុលបង្ហាញបទបញ្ជាពី លោក វរសេនីយ៍ឯក នាក់ ឌឹម អធិការ នគរបាល ស្រុកបន្ទាយមាស ។

ជាមួយគ្នានេះ នគរបាល បានអោយដឹងថា ពេលចុះបង្ក្រាបអ្នកញៀនល្បែង យូគី បានរត់គេចខ្លួនអស់។ ក្នុងនោះបន្សល់ទុកនូវ ប៉ាយយូគីមួយផ្ទាំង កម្រាល ក្រដាស កាត់១ដុំ ស្បែកជើង មួយចំនួន ម៉ូតូ ចំនួន ១ គ្រឿង និងសម្ភារៈមួយចំនួនទៀត ដែលជាវត្ថុតាងទាំងនោះ ត្រូវបានសមត្ថកិច្ច យកមករក្សាទុកនៅ អធិការដ្ឋាននគរបាលស្រុកបន្ទាយមាស។ បន្ទាប់មកក៏បានរុះរើ កន្លែងតង់ប្រក់រោងមួយ រួចហើយធ្វើការដុតកម្ទេចចោលនៅកន្លែងនោះតែម្តង៕

អត្ថបទ៖ សឹង រ៉ាត់