ឆ្លងចរន្តអគ្គិសនីឆេះផ្ទះប្រជាពលរដ្ឋអស់១​ខ្នង​ទាំងព្រឹក

ផ្ទះប្រជាពលរដ្ឋមួយខ្នងត្រូវបានអគ្គិភ័យឆាបឆេះយ៉ាងសន្ធោសន្ធៅ ដោយបង្កការភ្ញាក់ផ្អេីលដល់អ្នកជិតខាង និងអាជ្ញាធរ​មូលដ្ឋានចុះអន្តរាគមន៍ទាក់ទងហៅក្រុមមន្ត្រីជំនាញពន្លត់និងបង្ការគ្រោះអគ្គិភ័យភ្លាមៗ។

ហេតុការណ៍នេះបានកេីតឡេីងកាលពីវេលាម៉ោង៨និង៤០នាទីព្រឹក ថ្ងៃទី៣១ ខែតុលា ឆ្នាំ២០២៣ នៅចំណុចផ្លូវបេតុង ភូមិដំណាក់សង្កែ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។

សមត្ថកិច្ចបានឱ្យដឹងថា ម្ចាស់ទីតាំងមានឈ្មោះ ពេជ្រ ណាវី ភេទស្រី អាយុ៥០ឆ្នាំ ជនជាតិខ្មែរ មុខរបរនៅផ្ទះ។ សមត្ថកិច្ចបន្តថា ផ្ទះរងគ្រោះខាងលេីជាប្រភេទសំណង់ឈើលើ ថ្មក្រោម ទំហំ៥ម៉ែត្រX៨ម៉ែត្រ ដោយខូចខាតសម្ភារៈឆេះផ្ទះអស់ទាំងស្រុង និងពុំបានឆេះរាលដាលដល់អ្នកក្បែរខាងឡើយ។

ក្នុងករណីគ្រោះអគ្គិភ័យនេះមិនបណ្ដាលឱ្យមនុស្សស្លាប់ និងរបួសឡេីយ ហេីយក្រុមមន្ត្រីជំនាញបានយករថយន្តការិយាល័យបង្ការសង្គ្រោះអគ្គិភ័យ ចំនួន៣គ្រឿង បានប្រេីប្រាស់ទឹកអស់ចំនួន៣ឡាន ស្មើរនឹង១២ម៉ែត្រគូប។ ចំពោះមូលហេតុនៃការឆាបឆេះនេះ សមត្ថកិច្ចជំនាញបានបញ្ចាក់ប្រាប់ថា បណ្ដាលមកពីឆ្លងចរន្តអគ្គិសនី៕ 

អត្ថបទ៖ សុខា