Connect with us

សន្តិសុខសង្គម

សមត្ថកិច្ចប្រើពេល១ម៉ោង និងឡានបាញ់ទឹក៩គ្រឿង ដើម្បីពន្លត់ភ្លើងឆេះឃ្លាំងអេតចាយ នៅខេត្តព្រះសីហនុ  

បានផុស

នៅ

  សមត្ថកិច្ចកិច្ចបានប្រើពេលជាង១ម៉ោង និងរថយន្តពន្លត់អគ្គិភ័យ៩គ្រឿងអស់ទឹក១០ឡាន ទើបអាចបាញ់ទឹកពន្លត់អគ្គិភ័យឆេះឃ្លាំងអេតចាយ នៅទីតាំងបណ្ដោយផ្លូវជាតិលេខ៤ ក្នុងភូមិពូធឿង ឃុំ បិតត្រាំង ស្រុកព្រៃនប់ ខេត្តព្រះសីហនុ ឲ្យរលត់ទាំងស្រុងនៅម៉ោងប្រមាណ៧និង១៥នាទីយប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសមត្ថកិច្ច ម្ចាស់ឃ្លាំងអេតចាតរងគ្រោះ ឈ្មោះ គក ស្រី ភេទស្រី អាយុ ៣៨ឆ្នាំ ជនជាតិខ្មែរ មុខរបរ រកសុីទិញសម្ភារៈអេតចាយ។ តាមប្រភពដដែល ករណីអគ្គីភ័យនេះមិនបង្កឲ្យមនុស្សរងរបួសនោះទេ ពោលគឺខូចខាតទ្រព្យសម្បត្តិអស់មួយចំនួនធំរួម ឃ្លាំងសាងសង់អំពីដែកប្រក់សង្ក័សីមានទំហំទទឹង១៥ម៉ែត្រ×បណ្ដោយ២០ម៉ែត្រ និងឆេះសម្ភារៈ អេតចាយចម្រុះប្រហែល៣០%។

ភ្លាមៗ គេនៅមិនទាន់ដឹងពីមូលហេតុដែលនាំឱ្យកើតមានអគ្គិភ័យនៅឡើយទេ ខណៈសមត្ថកិច្ចមូលដ្ឋានកំពុងស្រាវជ្រាវនិងសាកសួរម្ចាស់ទីតាំង ដើម្បីរកមូលហេតុ។

គួរឱ្យដឹងថា រថយន្តពន្លត់អគ្គិភ័យទាំង៩គ្រឿង ដែលសមត្ថកិច្ចប្រើដើម្បីពន្លត់ គឺមកពីស្នងការដ្ឋាននគរបាលខេត្តព្រះសីហនុ០៤ គ្រឿង  (ប្រើប្រាស់ទឹកអស់៥ឡាន) កងរាជអាវុធហត្ថ ខេត្តព្រះសីហនុ១គ្រឿង អាកាសយានដ្ឋានខេត្តព្រះសីហនុ ក្រុមហ៊ុនGTVC ០២គ្រឿង  អធិការដ្ឋាននគរបាលស្រុកព្រៃនប់០១គ្រឿង។

ជាមួយគ្នានេះសមត្ថកិច្ចជំនាញបានអំពាវនាវឱ្យពលរដ្ឋត្រូវបង្កើនការប្រុងប្រយ័ត្នឲ្យបានខ្ពស់ជាប្រចាំ ព្រោះអំឡុងរដូវប្រាំងអាកាសធាតុរាំងស្ងួត  ស្លឹកឈើ ស្មៅងាប់ស្វិតក្រៀម គឺងាយឆាបឆេះបង្ករជាអគ្គិភ័យ៕

អត្ថបទ៖ ស៊ុយ ចាន់ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៣ នាទី មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង២ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង២ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ២ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ២ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

Sokha Hotels

ព័ត៌មានពេញនិយម