Connect with us

សន្តិសុខសង្គម

ស្នងការ​នគរបាល​ខេត្តកោះកុង អះអាង​ពីការ​​ក្តាប់​បាន​មុខសញ្ញាក្មេងទំនើង ប្រព្រឹត្តិបទល្មើស

បានផុស

នៅ

​ស្នងការនគរបាលខេត្តកោះកុងបាន​អះអាងថា កងកម្លាំងជំនាញអាចក្តោបក្តាប់បានមុខសញ្ញាក្មេងទំនើង ទោះបីជាពួកគេធ្វើសកម្មភាពធំតូចអ្វីក៏ដោយមិនអាច​គេចផុត​បានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុងឱ្យកម្ពុជាថ្មីដឹងនៅរសៀលថ្ងៃទី ២៥ ខែឧសភា ឆ្នាំ​២០២៤​ នេះថា កងកម្លាំងនគរបាលគ្រប់បណ្តាអធិការនគរបាលក្រុងស្រុកទាំង ៧ បាននឹងកំពុងពង្រឹងការពារសន្តិសុខសណ្តាប់ធ្នាប់យ៉ាងល្អប្រសើរ ពិសេសការទប់ស្កាត់ និងបង្រ្កាបក្រុមក្មេងទំនើងតែម្តង។

លោកស្នងការនគរបាលខេត្តកោះកុងអះអាងថា តបតាមការបញ្ជាដោយផ្ទាល់ពីលោកនាយឧត្តមសេនីយ៍ ស ថេត អគ្គស្នងការនគរបាលជាតិ ក្រុមការងារជំនាញបានតម្លើងបញ្ជីឈ្មោះមុខសញ្ញាក្រុមក្មេងទំនើង ដែលធ្លាប់ធ្វើសកម្មភាព ដោយ​​​​តាមដានករណីរកឃើញមានការប្រព្រឹត្តខុស នឹង​អនុវត្តនីតិវិធីភ្លាមៗតែម្តងមិនឱ្យប៉ះពាល់សន្តិសុខសណ្តាប់​ធ្នាប់សង្គម។

បើតាមលោកឧត្តមសេនីយ៍ទោ គង់ មនោ កងកម្លាំងប្រដាប់អាវុធរបស់លោក បាន​ចុះល្បាតតាមបណ្តាគោលដៅសំខាន់ៗ​ក្នុងមូលដ្ឋាន ប៉ុន្តែសភាពការណ៍ហាក់ស្ងប់ស្ងាត់ល្អប្រសើរមិនមានបាតុភាពក្រុមក្មេងទំនើងធ្វើសកម្មភាពល្មើសនឹងច្បាប់នោះទេ។ តែថ្វីត្បិតភូមិសាស្រ្តខេត្ត មានក្មេងទំនើងតិចតួចក៏ដោយ ក៏កងកម្លាំងជំនាញបន្តអនុវត្តតាមដាន និងបង្រ្កាបក្រុមក្មេងទំនើងដូចភ្លៀងរលឹម ពុំធ្វើតែមួយភ្លេតៗនោះទេ។

ក្នុងពិធីប្រកាសដាក់ឱ្យអនុវត្តជាផ្លូវការ «ផែនទីបង្ហាញផ្លូវឆ្ពោះទៅការគ្របដណ្តប់សុខភាពជាសកលនៅកម្ពុជា ឆ្នាំ​២០២៤-​២០៣៥» កាលពីថ្ងៃទី២៣ ខែឧសភា សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានបញ្ជាឱ្យអភិបាលរាជធានី-ខេត្ត និងស្នងការដ្ឋាននគរបាលរាជធានី-ខេត្តទាំងអស់ ត្រូវបង្ក្រាបក្រុមក្មេងទំនើង ជាពិសេសក្រុមដាវស៊ាំម៉ូរ៉ៃឱ្យបាន​តឹងរ៉ឹងបំផុត ដោយគ្មានការ​យោគយល់ និងលើកលែងឡើយ។

ការដាក់បទបញ្ជាបែបនេះ បន្ទាប់ពីសម្តេចធិបតីសង្កេតឃើញថា នារយៈពេលកន្លងមកនេះមានករណីក្មេងទំនើងបង្កើតជាបក្ខពួកដេញកាប់ចាក់គ្នាយ៉ាងអណាធិបតេយ្យ ដែលបណ្តាលឱ្យមានអ្នករងរបួស និងប៉ះពាល់ទៅដល់សន្តិសុខ សណ្តាប់ធ្នាប់សាធារណៈសង្គម៕

អត្តបទៈសិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ៥ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ៥ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៨ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៨ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១៤ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១១ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១៥ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ១៣ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានអន្ដរជាតិ១៧ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

Sokha Hotels

ព័ត៌មានពេញនិយម