អាជ្ញាធរខណ្ឌកំបូលចុះបាញ់ថ្នាំកម្ចាត់មូស ដើម្បីបង្ការការចម្លងជំងឺគ្រុនឈាម​នៅតាមបន្ទប់ជួលកម្មករ​កម្មការិនីរោងចក្រ​

ដោយ​អនុវត្តតាមផែនការដឹកនាំរបស់លោក ឃឹម ស៊ុនសូដា អភិបាលនៃគណៈអភិបាលខណ្ឌកំបូល​ នាល្ងាចថ្ងៃទី១៥​ ខែសីហា ឆ្នាំ២០២៤នេះ​ មន្រ្តីការិយាល័យ​សង្គមកិច្ច​ និងសុខុមាលភាពសង្គម​ និងកម្លាំងសន្តិសុខសណ្តាប់ធ្នាប់ខណ្ឌកំបូល សហការជាមួយអាជ្ញាធរសង្កាត់-ភូមិ​ បានចុះបាញ់ថ្នាំកម្ចាត់មូស ដើម្បីបង្ការការចម្លងជំងឺគ្រុនឈាម​ នៅតាមបន្ទប់ជួលរបស់កម្មករ​កម្មការិនីរោងចក្រ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះបាញ់ថ្នាំបង្ការការចម្លងជំងឺគ្រុនឈាមខាងលេីនេះ​ ធ្វេីឡេីងនៅតាមបន្ទប់ជួលរបស់កម្មករ​ កម្មកានីរោងចក្រ​ ដែលស្ថិតនៅចំណុច​ភូមិតាកេរ្តិ៍​ សង្កាត់កំបូល ខណ្ឌកំបូល រាជធានីភ្នំពេញ។

ជាមួយគ្នានេះ លោក ឃឹម ស៊ុនសូដា ក៏បានអំពាវនាវឲ្យប្រជាពលរដ្ឋចូលរួមលុបបំបាត់ជម្រកមូសខ្លា ដូចជាលុបបំបាត់ទឹកដក់ថ្លាជាជម្រកមូសខ្លា ទឹកដក់នៅក្នុងសំបកកង់ឡាន កង់ម៉ូតូ សំបកកំប៉ុង ដប វត្ថុដក់ទឹកភ្លៀងជាជម្រកមូសខ្លា។ រួមគ្នាលុបបំបាត់ជម្រកមូសខ្លា នៅក្នុងសហគមន៍ដើម្បីរួមចំណែកទុបស្កាត់ការចម្លងជំងឺគ្រុនឈាម៕

អត្ថបទ៖ សុខា