អាវុធហត្ថខេត្តតាកែវ គ្រោងសាងសង់អគារបញ្ជាការ​ដ្ឋានថ្មី​ ដើម្បីបំពេញតម្រូវការការងារ

សមិទ្ធិផលថ្មីមួយទៀត​ គឺ​បញ្ជាការដ្ឋានកងរាជអាវុធហត្ថខេត្តតាកែវ ថ្មី នឹងលេចរូបរាងឡេីងក្នុងពេលឆាប់ៗនេះ​ ក្រោមការផ្ដួចផ្ដើមកសាងពីសំណាក់ នាយឧត្តមសេនីយ៍​ សៅ​ សុខា​ អគ្គមេបញ្ជាការរងកងយុទ្ធពលខេមរភូមិន្ទ​ មេបញ្ជាការកងរាជអាវុធហត្ថលេីផ្ទៃប្រទេស​ និងអនុវត្តការងារផ្ទាល់ដោយលោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ។

តាមការបញ្ជាក់ពីឧត្តមសេនីយ៍ត្រី សេង មហា​ បញ្ជាការដ្ឋានបច្ចុប្បន្នមានលក្ខណៈតូចចង្អៀតពិបាកទុកដាក់សម្ភារៈ មធ្យោបាយគ្រឿងបំពាក់កងកម្លាំង​ ដូចនេះហេីយទេីបលោកស្នេីទៅថ្នាក់ដឹកនាំដេីម្បីផ្លាស់ប្តូរទីតាំងទៅកន្លែងធំទូលាយដែលមានចម្ងាយប្រមាណ៣គីឡូម៉ែត្រពីទីតាំងចាស់។ 

លោកបញ្ជាក់ទៀតថា​ បញ្ជាការដ្ឋានថ្មីនេះ​ នឹងចាប់ផ្តេីមបុកគ្រឹះសាងសងនៅថ្ងៃទី៧​ ខែកុម្ភៈ​ ឆ្នាំ២០២៥​ ខាងមុខនេះ​ ដែលមានទីតាំងនៅភូមិត្រពាំងអង្គ​ សង្កាត់ក្រៅ​ ក្រុងដូនកែវ​ ខេត្តតាកែវ៕

​អត្ថបទ៖ វីរៈ