ព័ត៌មានជាតិ

អាជ្ញាធរសង្កាត់ភ្លើងឆេះរទេះ នឹងផាកពិន័យជាទឹកប្រាក់ចំពោះពលរដ្ឋចោលសំរាម គ្មានសណ្ដាប់ធ្នាប់

បានផុស

៧ ខែ មុន

នៅ

ថ្ងៃអង្គារ ១៨ វិច្ឆិកា ២០២៥

ដោយ

អ៊ិន ពិសី

អាជ្ញាធរសង្កាត់ភ្លើងឆេះរទេះ នឹងធ្វើការផាកពិន័យជាទឹកប្រាក់ចំពោះប្រជាពលរដ្ឋណាដែលចោលសំរាមគ្មានសណ្ដាប់ធ្នាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីព្រឹកថ្ងៃទី ១៨ ខែវិច្ឆិកា ឆ្នាំ ២០២៥ នេះ ដោយអនុវត្តតាមការណែនាំរបស់ លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល រាជធានីភ្នំពេញ អាជ្ញាធរសង្កាត់ភ្លើងឆេះរទេះ បានសហការជាមួយក្រុមហ៊ុនប្រមូលសំរាម ចុះដើរប្រមូលសំរាមតាមដងផ្លូវក្នុងមូលដ្ឋាន ជាពិសេសលើដងផ្លូវក្រវាត់ក្រុងទី ៣ ក្រោយមានប្រជាពលរដ្ឋ និងអាជីវករមួយចំនួន មិនបានអនុវត្តការរក្សាអនាម័យបរិស្ថានបានត្រឹមត្រូវ។

លោក ពៅ ប៊ុនរី ប្រធានសណ្ដាប់ធ្នាប់សង្កាត់ភ្លើងឆេះរទេះ បានឲ្យដឹងថា ប្រជាពលរដ្ឋមួយចំនួននាំគ្នាយកសំរាមមកចោលលើកំណាត់ផ្លូវក្រវាត់ក្រុងទី ៣ ស្ថិតនៅភូមិកប់ភ្លុក សង្កាត់ភ្លើងឆេះរទេះ ខណ្ឌកំបូល ដោយមិនបានដាក់ធុងសំរាមត្រឹមត្រូវ ដែលធ្វើឲ្យបាត់បង់សណ្ដាប់ធ្នាប់ បរិស្ថាន។ ក្នុងនោះ ដោយអនុវត្តតាមការណែនាំពីលោកអភិបាលខណ្ឌ និងលោក ស៊ិន វុទ្ធី ចៅសង្កាត់ភ្លើងឆេះរទេះ បញ្ជាឲ្យលោក សហការជាមួយរថយន្តក្រុមហ៊ុនប្រមូលសំរាម ចុះសម្អាតទីតាំងខាងលើ និងដាក់បិទស្លាកហាមយកសំរាមមកចោលទីនេះទៀត។ ក្នុងករណីប្រជាពលរដ្ឋណាមិនអនុវត្តតាម រដ្ឋបាលសង្កាត់ នឹងចាប់ផាកពិន័យចំនួនទឹកប្រាក់ ២០០.០០០ រៀល។