សន្តិសុខសង្គម

នគរបាលព្រហ្មទណ្ឌបំបែកសំណុំរឿងស្នេហាត្រីកោណ ឃាត់ខ្លួនឃាតកស្រី ១ នាក់ ចាក់សម្លាប់ជនរងគ្រោះនៅកោះពេជ្រ

បានផុស

១១ ខែ មុន

នៅ

ថ្ងៃអាទិត្យ ៣១ សីហា ២០២៥

ដោយ

នគរបាលជំនាញព្រហ្មទណ្ឌក្រុង បានស្រាវជ្រាវរយៈពេល ១៧ ម៉ោង រហូតឃាត់ខ្លួនស្ត្រីជាឃាតកម្នាក់ ដែលចាក់សម្លាប់ស្ត្រីម្នាក់ស្លាប់នៅលើសួនច្បារកោះពេជ្រ ដោយមូលហេតុបណ្ដាលមកពីស្នេហាត្រីកោណ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្ក្រាបនេះដែរបានធ្វើឡើងកាលពីវេលាម៉ោង ៤ ល្ងាច ថ្ងៃទី ៣០ ខែសីហា ឆ្នាំ ២០២៥ នៅចំណុចហាងសាឡន ១ កន្លែង តាមបណ្ដោយផ្លូវលេខ ២០០ សង្កាត់បឹងរាំង ខណ្ឌដូនពេញ រាជធានីភ្នំពេញ។ ជនសង្ស័យឈ្មោះ KIDIKILA NGANDA GLODIE ភេទស្រី អាយុ ៣៣ ឆ្នាំ សញ្ជាតិ កុងហ្គោ។

ប្រភពកម្លាំងការិយាល័យនគរបាលព្រហ្មទណ្ឌកម្រិតស្រាល និងកម្រិតធ្ងន់ បានឲ្យដឹងថា ដោយអនុវត្តតាមបទបញ្ជាផ្ទាល់របស់លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ សហការជាមួយកម្លាំងជំនាញអធិការដ្ឋាននគរបាលខណ្ឌចំការមន និងកម្លាំងអធិការដ្ឋាននគរបាលខណ្ឌដូនពេញ បានស្រាវជ្រាវស៊ើបអង្កេតឈានទៅដល់បង្ក្រាបបានស្ត្រី សង្ស័យជនជាតិកុងហ្គោ ១ នាក់ ក្រោយធ្វើសកម្មភាពយកកូនកាំបិតចាក់ និងអារ.ក សម្លាប់ស្ត្រីរងគ្រោះ ១ នាក់ ជាជនជាតិអង់គ្លេស បណ្តាលឲ្យដេកស្លាប់លើសួនច្បារកោះពេជ្រ។ យោងតាមចម្លើយសារភាពរបស់ជនសង្ស័យ គឺ បណ្តាលមកពីស្នេហាត្រីកោណ។ បច្ចុប្បន្ន ជនសង្ស័យ នគរបាលជំនាញ បានបញ្ជូនទៅកាន់ស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធីច្បាប់។

គួរបញ្ជាក់ផងដែរថា កាលពីវេលាម៉ោង ១១ យប់ ថ្ងៃទី ២៩ ខែសីហា ឆ្នាំ ២០២៥ ស្ថិតក្នុងទីក្រុងកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយមុនកើតហេតុ សាក្សីដែលឃើញ គឺគាត់បានជិះម៉ូតូអង្គុយលេងក្បែរកន្លែងកើតហេតុ ក៏ឃើញនារីរងគ្រោះខាងលើឈ្លោះប្រកែកយ៉ាងខ្លាំងជាមួយជនសង្ស័យ ប៉ុន្តែគាត់មិនចាប់អារម្មណ៍នោះឡើយ ហើយក៏ជិះម៉ូតូចេញទៅបាត់។ មួយសន្ទុះក្រោយមក គាត់បានជិះម៉ូតូត្រឡប់មកវិញ ឆ្លងកាត់ចំណុចកើតហេតុ ក៏ប្រទះឃើញនារីរងគ្រោះដេកស្លាប់លើសួនច្បារ និងសភាពលើខ្លួនពោរពេញទៅដោយឈាម និង មានកាំបិតក្បែរសព រួមទាំងម៉ូតូ ១ គ្រឿងទៀត ដែលមានស្លាកលេខ ភ្នំពេញ 1AM-7957 នៅជិតកន្លែងកើតហេតុ៕

អត្ថបទ ៖ រដ្ឋា