សន្តិសុខសង្គម

បុរសម្នាក់ ផឹកស៊ីជាមួយបងប្អូនសុខៗ ស្រាប់តែជិះម៉ូតូទៅលោតទឹកសម្លាប់ខ្លួនលើស្ពានមុនីវង្សថ្មី

បានផុស

១០ ខែ មុន

នៅ

ថ្ងៃចន្ទ ៨ កញ្ញា ២០២៥

ដោយ

បុរសម្នាក់ មិនដឹងមានវិបត្តិអ្វីនោះទេ ខណៈផឹកស៊ីជាមួយបងប្អូនសុខៗ ស្រាប់តែប្រាប់ថាទៅទិញស្រាបៀរមួយភ្លែត តែបែរជាលោតទឹកបញ្ចប់ជីវិតនៅលើស្ពានមុនីវង្សថ្មី បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ច កាលពីវេលាម៉ោង ៧ និង ៣០ នាទីយប់ ថ្ងៃទី ៧ ខែកញ្ញា ឆ្នាំ ២០២៥ ចំណុចលើស្ពានមុនីវង្សថ្មី សង្កាត់ចាក់អង្រែលើ ខណ្ឌមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះដែលលោតទឹកឈ្មោះ ពុំ ពេជ្រ ភេទប្រុស អាយុ ២៧ ឆ្នាំ មុខរបរកម្មកររោងចក្រ ស្នាក់នៅបន្ទប់ជួលម្តុំផ្លូវវេងស្រេង សង្កាត់ចោមចៅទី ១ ខណ្ឌពោធិ៍សែនជ័យ មានស្រុកកំណើតនៅខេត្តព្រៃវែង។

តាមការរៀបរាប់របស់សាច់ញាតិជនរងគ្រោះ បានឲ្យដឹងថា មុនពេលកើតហេតុ ជនរងគ្រោះបានជួបជុំផឹកស៊ីជាមួយបងប្អូននៅម្តុំបឹងតាម៉ាត ខណ្ឌដង្កោ។ លុះពេលផឹកសុខៗ ជនរងគ្រោះបានប្រាប់ថាទៅទិញស្រាបៀរ និងសុំលុយបងប្អូន ៥ ពាន់រៀល ទុកចាក់សាំងទៅផ្ទះវិញផងដែរ។

ប្រភពដដែលបានបន្តទៀតថា លុះពេលជនរងគ្រោះជិះម៉ូតូចេញទៅ ហើយបងប្អូនចាំបាត់ៗ ក៏ទូរស័ព្ទទៅសួរ ស្រាប់តែប្រជាពលរដ្ឋជាអ្នកលើកទូរស័ព្ទ ប្រាប់ថាជនរងគ្រោះបានលោតទឹកសម្លាប់ខ្លួនលើស្ពានច្បារអំពៅ ដោយបន្សល់ទុកម៉ូតូហុងដាឌ្រីម ពាក់ស្លាកលេខ ព្រៃវែង 1K3207 និងទូរសព្ទដៃ ១ គ្រឿង នៅលើស្ពាន ហើយក៏នាំគ្នីគ្នាមកមើលពិតជាម៉ូតូរបស់សាច់ញាតិគាត់មែន។